JANINË - Një përplasje me armë zjarri mes policisë greke dhe disa shqiptarësh në fshatin Visani në zonën e Janinës ka përfunduar me një të vdekur dhe një të plagosur. “Shqiptarja.com” mëson se një shqiptar ka mbetur i vdekur si pasojë e shkëmbimit të zjarrit e ndërsa i plagosur lehtë ka mbetur një polic grek.

Sipas medieve dhe Policisë greke, shqiptarët po mundoheshin të kalonin 6 çanta me 13 pako qe permbanin 166 kg e 200 gram marijuanë, të cilat janë sekuestruar më pas nga policia greke. Shqiptarëve iu është gjetur krahas kanabisit edhe dy armë të tipit kallashnikovë.

Vrasja e shqiptarit 39-vjecar, identiteti i të cilit nuk është bërë ende i ditur, mendohet të jetë një formë hakmarrjeje e policisë së shtetit fqinj pas ekzekutimit të ekstremistit grek nga policia shqiptare. Sa i takon efektivit të plagosur grek, ai ndodhet ne spitalin “Haxhikosta” në Janinë. Ndërkohë, në vendin e ngjarjes vijon operacioni për kapjen e trafikantëve të tjerë dhe mbledhjen e materialeve hetimore.

Kujtojmë që më datë 28 tetor, ekstremisti grek Konstantinos Kaçifa u ekzekutua në Bularat të Gjirokastrës, pasi 35-vjeçari terrorizoi me breshëri kallashnikovi Gjirokastrën dhe sulmoi policinë.

Momente gjatë operacionit policor 

Armët e sekuestruara të shqiptarit