POP 5

Lajmet më të lexuara të 5 minutave të fundit

Politikë

Përzgjedhja e kandidatëve për 2021! Demokratët 5 ditë afat, si mund të vetëpropozohen për deputetë

Data 25 korrik shënon mbylljen e afatit kur anëtarësia e partisë më të madhe në opozitë ka përfunduar dhënien e mendimit lidhur me kandidatët

TIRANE-Sot mbyllet faza e parë e përzgjedhjes së kandidatëve për deputetë nga procesi i nisur nga Partia Demokratike për zgjedhjet e ardhshme parlamentare të 2021. Data 25 korrik shënon mbylljen e afatit kur anëtarësia e partisë më të madhe në opozitë ka përfunduar dhënien e mendimit lidhur me kandidatët që do të përfaqësojnë këtë forcë politike. Baza demokrate ka mbyllur listat me propozimet.

Pas 25 korrikut, 5 ditë kanë afat që të bëhen pjesë e listës edhe persona të tjerë përmes vetëpropozimit. Një person që nuk është propozuar nga baza, një gjë të tillë mund ta bëjë vetë për veten e tij, por kjo do të kërkojë edhe mbështetjen me 10 firma të anëtarëve në degën ku bën pjesë. Më pas lista në datë 30 korrik i dorëzohet sekretarit organizativ, i cili ia përcjell komisionit të vlerësimit.

Në datë 3 gusht nis punën komisioni i vlerësimit në PD, që do të drejtohet nga Genc Ruli, teksa njëri nga anëtarët do të jetë Besnik Muastafaj, ndërsa një anëtar do të jetë edhe nga Aleanca për Mbrojtjen e Teatrit. Emrat që do të seleksionohen nga komisioni në PD do i dërgohen sërish anëtarësisë demokrate për zgjedhjen me parimin një anëtar, një votë.

Ndërkohë që fjalën e fundit, pra vulën për emrat do ta ketë këshilli kombëtar i PD-së dhe Kryesia e selisë blu. 80% e listës është parashikuar që të zgjidhet nga propozimet e anëtarësisë dhe 20% nga Kryesia e PD-së. Report Tv ka zbuluar disa nga emrat e propozuar nga demokratët ku spikasin Jozefina Topalli, Bujar Leskaj, por edhe figura të tjera.

/I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilirja: 25/07/2020 21:16

    Duhen te largohen gjithe politikane e vjeter te futet fryme e re ne parlament te futet bashkepunim konsesi toleranca se Keta politikane na shkatërruan fare u pasuruan per vete dhe popullin e vene hajdut drogaxhinj dhe vrasjes

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02