Pas arrestimit të tyre, Ujësjellësi i Prishtinës ka ndaluar menjëherë furnizimin me ujë nga Badovci dhe ka dërguar mostrat tek Instituti Kombëtar i Shëndetit për të verifikuar nëse kemi të bëjmë me helmim apo jo.
Fillimisht, rreth orës 01:40 pranë liqenit të Badovcit u arrestuan tre persona, të cilët dyshohet se kanë hedhur lëndë kontaminuese në liqen. Atyre iu gjetën maska dhe shenjta identifikuese të ISIS. Pak orë pas arrestimit të tyre, u ndaluan dhe dy persona të tjerë.
Milazim Haxhiaj nga Rakoshi i Istogut është njëri nga të arrestuarit e dyshuar për terrorizëm, raporton gazeta “Zëri”. Xhamia e Rakoshit të Istogut u bastis ditë më parë por nuk raportohet të jetë gjetur diçka e dyshimtë, e as nëse kjo bastisje ishte pistë e hetimit që rezultoi me arrestimin e sotëm.
Redaksia Online
(f.s/shqiptarja.com)