POP 5

Lajmet më të lexuara të 5 minutave të fundit

Sport

Peshëngritje/ Romela Begaj dënohet për herë të dytë nga Federata Botërore për doping (DOKUMENTI)

Begaj kampione bote në 2017, ka marrë dënimin maksimal nga Federata Botërore e Pëshëngritjes, si përsëritëse në përdorimin e substancave të ndaluara në peshëngritje. 

Kampionia shqiptare e peshëngritjes më 2017, Romela Begaj është dënuar me 8 vite nga Federata Botërore e Peshëngritjes. Kjo është hera e dytë që Begaj dënohet për të njëjtën arsye, përdorim substancash të ndaluara.  Bega rezultoi për herë të dytë përdoruese e substancës ‘Stanozolo’ në janar të 2018 dhe vendimi me 8 vite është maksimali i dhënë nga Federata Botërore. Gjithsesi mësohet se Begaj do e apelojë venënimin e Federatës në Gjykatën e Arbitrazhit Sportiv, në Lozhanë të Zvicrës. Nëse vendimi mbetet i pandryshuar, Begaj duhet t'i thotë 'lamtumirë' aventurës në peshëngritje. 

Peshëngritësja para komisionit është vetëmbrojtur duke deklaruar: “Vij nga një familje e varfër dhe kam kaluar shumë vështirësi nga fëmijëria ime deri më tani. Sporti i peshëngritjes është i vetmi burim të ardhurash për mua dhe nuk do të bëja asnjëherë asgjë për të prishur karrierën time."

Federata Botërore nuk e ka marrë parasysh justifikimin e Romelës duke e cilësuar si sabotim, që sipas saj nuk përbën provë dhe është e pavërtetueshme. Romela aktualisht jeton me familjen në Kanada dhe duke parë moshën e saj, 33 vjeç, ky dënim me shumë mundësi do t’I japë fund karrierës së saj.

Kjo nuk është hera e parë gjatë dekadës së fundit që peshëngritësit shqiptarë rezultojnë përdorues të substancave të ndaluara. Më parë janë dënuar Erkand Qerimaj, Hysen Pulaku dhe Daniel Godelli.

(kliko këtu për të lexuar vendimin ndaj Romela Begaj)

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ateist: 25/01/2019 17:39

    Pse nuk the para komisionit betohem ne Kuran qe s'kam marre substanca?

    Përgjigju
  • koxhakshish: 25/01/2019 14:19

    provoje ene njihere me goce ne Lozane se amerikanet kane gabu

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19