Pasditen e sotme në qendër të Peshkopisë, dy të rinj janë konfliktuar me njëri tjetrin dhe për pasojë një person ka mbetur i plagosur.

20 vjeçari me iniciale O.H banues në fshatin Kandërr, dyshohet se është konfliktuar dhe më pas ka goditur me mjete të forta 24 vjeçarin Vilson Meta. I plagosuri është dërguar menjëherë në spitalin e Peshkopisë dhe ndodhet jashtë rrezikut për jetën.

Policia e Dibrës po punon për kapjen e 20 vjeçarit O.H, për sqarimin e plotë të kësaj ngjarje, si dhe po heton nëse ka persona të tjerë të përfshirë në këtë konflikt.

Redaksia Online
A.Gj/Shqiptarja.com