Petanik me mish të grirë nga zonja Albana

Petanik me mish të grirë

Përbërësit:

• 1 gotë miell
• 1 fç kos
• 1 lç pluhur pjekës
• 1 lç kripë
• 2 lgj gjalpë
• 1 lgj vaj

Për mbushjen:

• 350 gr mish i grirë
• 1 qepë
• 2 lgj vaj
• Kripë, piper

Përgatitja:

Zëmë brumin dhe e ndajmë në 4 pjesë. E punojmë mirë dhe e lëmë të vijë. Më pas hapim petën e parë, shtrojmë masën e mishit që kemi përzierë me qepën, vaj, kripë, piper. Vendosim petën tjetër duke e spërkatur me gjalpë, mbushje dhe përsëri petë. Petanikun e bëjmë me tre shtresa mbushje, tek peta e katërt që është e fundit e spërkasim mirë me gjalpë dhe mbledhim anësoret në formën e një zarfi. E punojmë me duar mirë sikur punojmë një fokaçe. E vendosim në një tavë, ku kemi shtruar letër guzhine dhe e pjekim në furrë të parangrohur në temperaturën 180 gradë Celsius për 45 minuta.

MC/Shqiptarja.com

TAG:
• zonjaalbana
• petanik me mish te grire
• gatime tradicionale
• shije