Pikë e re kufitare mes Shqipërisë dhe Malit të Zi, nis punën pas ndërtimit të urës së Bunës

Pikë e re kufitare mes Shqipërisë dhe Malit të Zi, nis punën pas ndërtimit të urës së Bunës

Qeveria e Malit të Zi ka miratuar një dokument për nisjen e negociatave me Shqipërinë që mes dy vendeve të ngrihet një pikë e re kufitare, Sveti Nikola-Pulaj.

Media shtetërore malazeze RTCG shkruan se marrëveshja ndërmjet Qeverisë së Malit të Zi dhe Shqipërisë për hapjen e pikës kufitare Sveti Nikolla – Pulaj vjen me synimin për të përmirësuar lëvizjen e qytetarëve ndërmjet dy shteteve dhe për të lehtësuar trafikun përtej kufirit të përbashkët.

Vendndodhja e pikës kufitare dhe parametrat e saj teknikë do të përcaktohen nga Komisioni i Përbashkët i palëve nënshkruese. Pika kufitare do të nisë punën pas ndërtimit të urës së Bunës.

Ura e Bunës pritet të përfundojë në 18 muaj dhe do të shkurtojë distancën mes Velipojës dhe Ulqinit. Projekti u prezantua më 8 qershor në Ohër nga kryeministri Rama dhe homologu i tij malazez, Dritan Abazoviç. Projekti ambicioz do të kushtojë 9 mln euro.

Plani i Shqipërisë dhe Malit të Zi është që, deri në vitin 2024, së bashku të ndërtojnë një urë mbi lumin Buna, e cila do të lidhë Ulqinin - komunën më jugore të Malit të Zi dhe vendpushimin e Velipojës në Shqipëri. Ndërtimi i urës mbi Bunë dhe lidhja e dy qendrave të mëdha turistike, do të jetë jashtëzakonisht e rëndësishme për Ulqinin dhe për zhvillimin e turizmit.

Përveç shkurtimit të ndjeshëm të rrugës mes brigjeve të dy vendeve, do të bëhet edhe afrimi afrimin e tregjeve turistike të Shqipërisë, Greqisë, Kosovës dhe më gjerë.

Projketi i urës i parë nga lart 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kombi: 09/07/2022 21:54

    Pun e mir kjo

    Përgjigju
  • vjeshta: 09/07/2022 19:45

    Shën Stefani, jo Sveti Stefan! Se është tokë shqiptare!

    Përgjigju
    • A. N.: 10/07/2022 08:08

      Ku ma pe Shen Stefanin moj vjeshta? Ketu flitet per Sveti Nikola ose Shen Nikollen.

  • Sondazhi i ditës:

    A mendoni se në primaret e Rithemelimit ka garë të ndershme?



×

Lajmi i fundit

Arilena Ara guxon në këngën e re, shfaqet pa filtra dhe e pa lyer në klipin muzikor

Arilena Ara guxon në këngën e re, shfaqet pa filtra dhe e pa lyer në klipin muzikor