POP 5

Lajmet më të lexuara të 5 minutave të fundit

Politikë

Pikëpyetjet për zgjedhjen e kreut të ri të PD! Kryesia urdhëron ‘Komisionin e Zgjedhjeve’ të drejtojë procesin, por ky organ mungon! Mbledhja e Këshillit Kombëtar, domosdoshmëri

Në Partinë Demokratike tashmë ka nisur procesi për zgjedhjen e kryetarit të ri, por një sërë pikëpyetjesh po e shoqërojnë atë. Kryesia në vendimin e fundit ia la detyrë ndjekjen e procesit Komisionit Zgjedhor, por kjo strukturë nuk funksionon.  Anëtarët e saj janë larguar drejt Sali Berishës.

PD po shkon drejt 29 korrikut, ditë kur do të zgjedhë kryetarin e ri, me një sërë paqartësish sesi do të zhvillohet procesi.

Në mbledhjen maratonë pas 10 orëve debate me tensione kryesia e PD vendosi që të hapë garën duke ngarkuar, mes të tjerësh edhe Komisionin Zgjedhor që të drejtojë procesin, ashtu sikurse është traditë por edhe detyrim statutor për çdo palë zgjedhjesh brenda partisë.

Por PD nuk e ka aktualisht këtë strukturë! Komisioni i fundit zgjedhor i ngritur në PD është ai që në përbërje të tij ka një sërë emrash që tashmë nuk janë pjesë e demokratëve të vulës, por janë bërë pjesë e Rithemelimit: Komisioni i fundit zgjedhor (Jemin Gjana kryetar, Albana Vokshi anëtar, Belind Kelliçi anëtar, Eno Bozdo anëtar, Mimoza Hasekiu anëtar, Albert Avduli anëtar, Gjoke Vuksani anëtar, Çlirim Gjata anëtar si dhe Ervin Minarolli e Lulzim Omuri ndihmës)

Për këtë arsye, në Partinë Demokratike duhet të ngrihet një Komision i Ri Zgjedhor.

Sipas statutit të PD, neni 53 thotë se Komisioni Zgjedhor është përgjegjës për organizimin dhe kontrollin e operacioneve elektorale brenda partisë dhe përbëhet nga 7 anëtarë titullarë dhe 2 ndihmës. Anëtarët e Komisionit Zgjedhor emërohen nga Kryesia e PDSH) dhe miratohen nga Këshilli Kombëtar.

Në këto kushte, Kryesia e PD duhet të thërrasë mbledhjen e Këshillit Kombëtar, që në vendimin e fundit të saj e anashkaloi.

Kjo mbledhje, dhe ngritja e Komisionit Zgjedhor gjithsesi duhet të bëhet para datës 20 Qershor, kur sipas vetë vendimit të kryesisë, pranë komisionit zgjedhor është afati I fundit për të dorëzuar kandidaturat për kryetarin e ri të Partisë.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

12 Janar, 11:33