Receta

Pilaf me perime dhe mish pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 18 Korrik, 12:05 | Përditesimi: 18 Korrik, 12:06

Pilaf me perime

Përbërësit:

50 gr gjalpë/ margarinë
1 qepë mesatare
2 gjokse pule
1 spec të kuq
1 spec jeshil
300 gr oriz
1 filxhan verë të kuqe
1 ls spec i kuq pluhur
2 ls domate pelte
1 dorë bizele
1 degë rozmarinë
1 litër lëng mishi
Kripë, piper

Përgatitja:

LEXO EDHE:
Pulë e mbushur nga zonja Albana

Skuqim qepën e grirë imët, më pas shtojmë gjokset e pulës të prera në kubikë të vegjël dhe i skuqim nga të gjitha anët. Hedhim specat të prera gjithashtu në kubikë të vegjël. I kaurdisim për pak bashkë me to edhe orizin. E shuajmë më pas me verë të kuqe dhe sapo të avullojë alkooli shtojmë specin e kuq pluhur, salcën e domates, rozmarinën të prerë imët, 2 filxhanë me lëngun e mishit të nxehtë dhe e lëmë të ziejë pa kapak në temperaturë të ulët. E trazojmë vazhdimisht duke hedhur pak nga pak lëngun që ka mbetur. Në minutat e fundit shtojmë bizelet, kripën dhe piperin. Fikim sobën, e lëmë rizoton të qëndrojë në nxehtësi për gati 10 minuta dhe më pas e shërbejmë menjëherë të ngrohtë.

MC/Shqiptarja.com

TAG: