Receta

Pilaf me pulë i mbështjellë në petë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 25 Nëntor, 11:44 | Përditesimi: 25 Nëntor, 11:47

Pilaf me pulë i mbështjellë në petë

Përbërësit:

1 pulë e vogël
5 gota ujë
10 kokrra piper i zi
1 karrotë
1 qepë e vogël
1 gotë e gjysmë oriz
1/3 e gotës gjalpë
1/2 e gotës qepë e grirë
1 lgj fruta të thata
6 petë byreku
Kripë, erëza sipas shijes
Gjalpë të tretur për petët

Përgatitja:

LEXO EDHE:
Bakllava me kadaif dhe arra nga zonja Albana

Pulën e ziejmë me qepën, karrotën dhe piperin kokërr për rreth 1 orë. Largojmë lëkurën pasi e kemi hequr nga tenxherja dhe kullojmë lëngun. Shtojmë orizin me masën 1 me 2 dhe e lëmë të gatuhet ngadalë. Sipër i vendosim një pecetë që të përthithë avujt në vend të kapakut. Ndërkohë në një tenxhere kaurdisim qepën e grirë dhe frutat e thata, shtojmë më pas orizin duke e përzier për 1 minutë. Në fund shtojmë erëzat dhe pulën që e kemi bërë në fije. Lyejmë një tavë me gjalpë, shtrojmë petët një e nga një duke i spërkatur me gjalpë, shtojmë masën e orizit dhe mbulojmë pjesën e sipërme me petë si byrek. E spërkatim sipër me gjalpë dhe e pjekim në furrë në 200 gradë Celsius për rreth 30 minuta. Pasi të jetë gati e kthejmë përmbys nga tava në pjatancë dhe e servirim të ngrohtë.