Receta

Piroshki me mish, receta ruse e piteve të mbushura nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 16 Maj, 12:22 | Përditesimi: 16 Maj, 12:24

Piroshki me mish

Përbërësit:

Për brumin:

LEXO EDHE:
Pulë me oriz në furrë nga zonja Albana

1 kg miell
30 gr maja birre
1 ls sheqer
1/2 fç qumësht
1 vezë
Kripë
Gjalpë
Ujë sa të marrë

Për mbushjen:

300 gr mish i grirë
1 qepë mesatare
1 vezë të zier
1 tufë majdanoz
100 gr djathë

Përgatitja:

Me majanë, sheqerin, 2-3 lugë miell dhe qumështin e vakët, përgatitim majanë duke e lënë në vend të ngrohtë që të fryhet. Pas këtij veprimi, majanë e ardhur e hedhim në miellin të hapur gropë në mes. Shtojmë vezën, kripën, gjalpin si dhe aq ujë sa të zihet një brumë mesatar, të cilin e vendosim në vend të ngrohtë mbuluar me pecetë që të vijë. Në vijim, brumin e ndajmë në dy pjesë dhe e hapim në petë në trashësinë e gishtit dhe me një gotë uji presim brumin në disqe të rrumbullakta. Në mes, vendosim mbushjen e kimasë që kemi përgatitur dhe palosim me kujdes anët. I lëmë që të fryhen në një pecetë të spërkatur me miell. I vendosim piroshkat në tavë që të piqen në furrë mesatare ose i skuqim me vaj në tigan.

MC/Shqiptarja.com

TAG: