Në letrën e dërguar, PISA vlerëson ministren e Arsimit edhe punën e kryeministrit për reformat që janë ndërmarrë në fushën e arsimit.
“Jemi shumë të lumtur për mbështetjen që ministrja e Arsimit dhe kryeministri u kanë dhënë reformave në arsim në Shqipëri.
Pranoni përgëzimet tona për rezultatet fantastike që 15-vjeçarët shqiptarë arritën në PISA 2015.
Urime dhe mos hiqni dorë, pasi reforma në edukim është e vështirë dhe një rrugë e gjatë” thuhet në letrën e dërguar Ministrisë së Arsimit për rezultatet e studimit të vitit 2015.
Ministrja e Arsimit dhe Sportit, Lindita Nikolla, ka komentuar gjetjet e raportit “Pisa 2015”. Shqipëria është në vendin e 51 nga 72 vende pjesëmarrëse.
Kjo sipas ministres është reflektim i reformave në arsimin parauniversitar. Ky testim është bërë për nxënësit 15-vjeçarë.
(Raporti “Pisa 2015”)
dy.b/shqiptarja.com