Receta

Pite me lakër dhe mazë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 15 Dhjetor 2023, 11:15 | Përditesimi: 15 Dhjetor 2023, 11:17

Pite me lakër dhe mazë

Përbërësit:

600 gr miell
1 lgj kripë
200 gr gjalpë
1 kokë lakër të bardhë
200 gr mazë
1 gotë qumësht

Përgatitja:

LEXO EDHE:
Supë magjerica nga zonja Albana / Një supë plot shije për tryezën tuaj të Pashkëve

Realizojmë një brumë homogjen me ujë, kripë dhe miell dhe e lëmë të pushojë për 15-20 minuta. Ndërkohë lakrën e grijmë imët dhe e vendosim të ziejë për 15 minuta. Më pas e kullojmë mirë duke e ndrydhur me duar derisa të mos ketë lëngje. Shtojmë një gotë qumësht, një lugë kripë dhe mazën.

Brumin e pites e ndajmë në dy pjesë dhe më pas në rreth 10 kuleçë, të cilët i hollojmë dhe i rreshtojmë një mbi një duke lyer secilin me nga një lugë yndyrë. Realizojmë dy petë, e shtrojmë njërën në tavë të lyer me yndyrë, vendosim një shtresë me lakrën e përgatitur dhe e mbulojmë mbushjen me petën tjetër. Formojmë rrethin e pites duke bashkuar skajet dhe e vendosim të piqet në furrë të nxehtë për rreth 40 minuta.

MC/Shqiptarja.com

TAG: