Pjesëmarrje qytetare nëpërmjet instrumentave të ICT- AIS organizon një trajnim me të rinj gjimnazistë

/ATSH/- Në kuadër të Ditës Europiane të Pjesëmarrjes Elektronike / e-Participation Day, Albanian Institute of Science (AIS) në bashkëpunim me Telecentre-Europe, organizoi sot një trajnim në ambjentet e  Librarisë Tirana Times, me të rinj të gjimnazit "Ismail Qemali", Tiranë.

Trajnim u realizua në kuadër të Programit eUROPA for Citizens në njëmbëdhjetë vende të Europës dhe ka si qëllim edukimin dhe përfshirjen qytetare në politikëberje nëpërmjet instrumentave të ICT.

Gjithashtu në event u bë dhe hapja e konkursit My e-participation Story ose Historia ime e-pjesëmarrjes, një iniciativë që fton çdo qytetarë të shkruajë një ese ose tregojë një histori/ eksperiencë të jetuar në një nga vendet e BE.

AIS bëhet pjesë e këtij programi si anëtar i networkut Telecentre Europe, një rrjet organizatash me qendër  në Bruksel, e fokusuar në çështje të edukimit qytetar dhe përfshirjes dixhitale të qytetarëve.

Broshura dhe Instrumentet elektronik të Komisionit Europian për pjesëmarrje qytetare, e-Participation :

Broshura është një publikim i realizuar në dymbëdhjetë gjuhë evropiane, si dhe në gjuhën shqipe.

Ajo përcjell informacion mbi instrumente që mundësojnë pjesëmarrjen qytetare për  informim dhe reagim.

Këto instrumente janë ndërtuar për të ndihmuar qytetarët të komunikojnë dhe të dëgjohen nga Përfaqësuesit zgjedhur prej tyre.

Titulli i Konkurrimit është My e-Participation Story.

Pjesëmarrësit duhet që brenda datës 31 gusht 2015, të shkruajnë dhe postojnë në formë elektronike një histori personale të ndodhur gjatë udhëtimit apo qëndrimit në vende të BE.

Historia nuk duhet të përmbajë më shumëse 500 fjalë dhe duhet të rrëfejë mbi një problematikë të hasur , nëpërmjet përdorimit të teknologjisë së informacionit.
Pjesëmarrës mund të jetë çdo qytetar.

Fituesi merr titullin "e-Participation Ambassador" për Shqipërinë , si dhe fiton të drejtën e një udhëtimi me qëllim prezantimin e ese-së në një event që do të mbahet në muajin dhjetor në Bruksel.