Plagos me thikë 3 persona pas sherrit në lokal, arrestohet autori në Divjakë

Plagos me thikë 3 persona pas sherrit në lokal, arrestohet autori në Divjakë

Foto ilustruese

Një person është arrestuar në Divjakë, pasi ka qëlluar me thikë tre shtetas në një lokal, gjatë mbrëmjes së kaluar. Policia ka zbardhur ngjarjen dhe ka vënë në pranga autorin e krimit, 40-vjeçarin Kujtim Imeri.

Ky person është konfliktuar me tre shtetas të tjerë, banues në fshatin Shën Premte Divjakë, ku gjatë konfliktit i ka qëlluar me thikë. Për pasojë, të plagosurit janë dërguar në spital dhe ndodhen nën kujdesin e mjekëve.

Njoftimi i policisë:
Godet me thikë 3 shtetas, kapet nga policia në kohë rekord autori i ngjarjes. Në datën 14.04.2018, rreth orës 21:20, në një lokal në fshatin Shën e Premte, shtetasi Kujtim Imeri, 40 vjeç, për motive të dobëta, është konfliktuar me shtetasit B.G, 67 vjeç, A.G, 21 vjeç, dhe D.Gj, 26 vjeç, banues në fshatin Shën e Premte Divjakë, ku gjatë konfliktit i ka qëlluar me thikë.

Shtetasit e plagosur ndodhen në Spitalin Rajonal Lushnje nën kujdesin e mjekëve. Autori pas plagosjes u largua nga vendngjarja, por si rezultat i reagimit të shpejtë të policisë , u kap dhe u arrestua menjëherë nga shërbimet e Policisë Divjakë.

Shtetasi Kujtim Imeri është person me precedent penal në fushën e krimeve kundër personit dhe ka qënë i dënuar më parë për plagosje me thikë. Në cilësinë e provës materiale u sekuestrua thika me të cilën autori goditi 3 shtetasit.

Materialet i kaluan Prokurorisë pranë Gjykatës së Shkallës së Parë Lushnje për veprat penale "Plagosje e lehtë me dashje" dhe "Prodhimi, mbajtja, blerja apo shitja pa leje e armëve të ftohta", parashikuar nga Nenet 89 dhe 279/2 të Kodit Penal.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit