POP 5

Lajmet më të lexuara të 5 minutave të fundit

Kronikë

Atentati ndaj Selami Brahimit, motivi dyshohet konflikti familjar! Autori i dyshuar, xhaxhai i gruas së 60-vjeçarit

Autori i dyshuar i plagosjes së Selami Brahimit në Shkodër është xhaxhai i gruas së tij, Sulejman Kapllani. Ky i fundit tentoi të vriste dhëndrin me pretendimin se ka ndikuar për ta përjashtuar nga ceremonia mortore e të vëllait që u nda nga jeta një muaj më parë. 68-vjecari është arrestuar në Gjermani dhe pritet të ekstradohet në vendin tonë

Konflikti familjar dyshohet se është motivi i atentatit ku mbeti i plagosur Selami Brahimi, mbrëmjen e 8 shkurt në lagjen Xhabije të Shkodrës. Brahimi ka marrë për grua mbesën e autorit të krimit, Sulejman Kapllani. Ky i fundit ende nuk është marrë në pyetje për të treguar arsyet që e shtynë për të qëlluar me 10 plumba dhëndrin e familjes, por hetuesit e Shkodrës dyshojnë se ata ishin në konflikt prej muajit janar. 68-vjeçari pretendonte se kur i vdiq vëllai në Shkodër, ai u përjashtua nga ceremonia mortore.

Gjithsesi kjo piste mbetet e dyshimtë, për sa kohë i plagosur ka deklaruar se nuk ka pasur konflikte me askënd, ndërsa autori i dyshuar ende nuk është ekstraduar për tu marrë në pyetje. Pista e hetimeve është ngritur mbi bazën e dëshmitareve dhe provave, qe janë arma e krimit dhe makina, te sekuestruara pas ngjarjes. Burimet thanë se Sulejman Kapllani jetonte prej vitesh në Itali dhe kishte ardhur me 5 shkurt përmes aeroportit të Rinasit, ku ka marrë me qira makinën qe përdori ne krim.

Me pas, autori i dyshuar u largua nga Hani i Hotit drejt aeroportit të Podgoricës dhe nga aty në Berlin të Gjermanisë ku edhe u arrestua nga policia. Tashmë pritet ekstradimi ne Shqipëri i Sulejman Kapllanit dhe përballja me drejtësinë për akuzën e tentativës së vrasjes.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mario: 12/02/2024 15:11

    Si perfundimisht nuk behen njerez edhe te shkojne te jetojne jashte dhe te civilizohen.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

24 Nëntor, 07:55