Plagosja me armë zjarri në Shkodër, policia në kërkim të autorit

Policia e Shkodrës ka reaguar zyrtarisht në lidhje me plagosjen me armë zjarri mëngjesin e sotëm në qendër të Shkodrës. I plagosur ka mbetur Aleksandër Curri, 40-vjeç. Policia ndërkohë është vënë në kërkim të autorit, i cili dyshohet se është larguar në brendësi të lagjeve të qytetit

‘Rreth orës 09:00, në vendin e quajtur “Dollari”, është plagosur me armë zjarri shtetasi A. C., 40 vjeç, i cili është dërguar në spital dhe po merr ndihmën mjekësore. Shërbimet e Policisë kanë shkuar menjëherë në vendngjarje dhe po kontrollojnë zonën, për kapjen e autorit.

LEXO EDHE:
SHBA/ 3-vjeçari qëllon veten me armën e nënës

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit. Ndërkohë, janë ngritur pika të shumta kontrolli. Forcat e Sigurisë Kombëtare po vijojnë krehjen e zonës, për kapjen e autorit, i cili dyshohet se është larguar në brendësi të lagjeve të qytetit.’- njofton policia.

Lajmi kryesor:

40 vjeçari qëllohet me 4 plumba pistolete në qendër të qytetit në Shkodër! Identifikohet autori! Shkak dyshohet një borxh

M.Q./Shqiptarja.com

TAG:
• dede bici
• plagosje
• aleksandër Curri
• Shkoder