1763890306_seliaamerikanenegjeneve.JPG

Sekretari amerikan i Shtetit, Marco Rubio, ka mbërritur në Gjenevë për samitin ndërmjet Shteteve të Bashkuara, BE-së dhe Ukrainës për të diskutuar planin e paqes të propozuar nga Trump. Bisedimet në Gjenevë për paqen në Ukrainë do të zhvillohen në nivel këshilltarësh të sigurisë kombëtare: Bjoern Seibert, shefi i kabinetit të presidente­s së Komisionit Europian Ursula von der Leyen, pritet të përfaqësojë BE-në së bashku me Pedro Lourtie, bashkëpunëtori kryesor i presidentit të Këshillit Europian, António Costa. Kështu shkruan Politico. Ndër të tjera, evropianët pritet të ushtrojnë presion mbi ekipin e Donald Trump që të zbusë propozimin e tij për t’i lënë Rusisë territorin e rajonit të Donbasit, në Ukrainën lindore. Ata do të donin që çdo armëpushim të bazohej në parimin që konflikti të mbetet i ngrirë përgjatë “linjës aktuale të kontaktit”, por vetëm për të mundësuar fillimin e bisedimeve, jo si zgjidhje përfundimtare.


Lajmi kryesor:

Samiti në Gjenevë/ BE plan me 24 pika për paqen në Ukrainë! Rubio: Takimi më produktiv! Trump: Asnjë mirënjohje nga Kievi