Platforma e Alibeajt për Bashkim, deputetja Bardeli: Partia ka nevojë për një platformë që mbështetet nga të gjithë deputetët që u zgjodhën më 25 prill

Deputetja e Partisë Demokratike, Greta Bardeli tha se partia ka nevojë për një platformë që të mbështetet nga të gjithë deputetët e zgjedhur më 25 prill nga radhët e PD, duke mos përjashtuar kështu edhe Sali Berishën. 

“Sot opinioni publik është njohur me një draft platformë nga z.Enkelejd Alibej si dhe një listë të deputetëve që e mbështesin këtë propozim. Po ashtu në të njëjtin komunikim janë bërë me dije dhe qëndrimet e një pjese të vogël të grupit që kishin kërkuar që ato të deklaroheshin nga z. Alibej publikisht.

LEXO EDHE:
Shtëpia ikonike e ‘I vetëm në shtëpi’ shitet për 5.2 milionë dollarë

Me këtë rast në respekt të gjithë votuesve të mi dhe në cilësinë e deputetes së Qarkut Shkodër sqaroj qëndrimin tim me këtë çështje:

1.  Kam kërkuar dhe do vazhdoj të kërkoj hartuesve të draftit, dhe çdo propozimi me këtë qellim,  të mbështetet ose jo me votë dhe saktësisht me Votim të Fshehtë nga tē gjithë deputetet e PD.

2. Drafti dhe çdo propozim tjetër gjykoj që duhet diskutuar dhe debatuar në mbledhjen e gjithë deputetëve të dalë nga zgjedhjet e 25 Prillit  pa asnjë përjashtim duke garantuar transparencë tē plotē!

3.Cdo draft propozim përfshirë edhe i sotmi duhet të siguroj pa dallim dhe qëndrimet përkatëse të cdo deputeti të Partisë Demokratike!

I qëndroj fort bindjes se të gjithë krahët në PD në situatën ku ndodhemi duhet të gjejnë kurajën që permes dialogut të hapur, të gjejnë rrugët e bashkimit ku e para dhe e vetmja duhet te jetë vota dhe gjithëpërfshirja e demokratëve!”, shkruan ajo.

TAG:
• gazment bardhi
• SHBA
• PD
• sali berisha
• Lufta brenda PD
• enkelejd alibeaj
• flamur noka

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1551

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq