Ngushtimi i shtratit të Gjanicës, si pasojë e mbetjeve të hedhura nga banorët dhe bizneset, sipas ekspertëve, është një prej faktorëve që shkakton përmbytje në qytetin e Fierit. Anës urës me shkallë që lidh lagjen “1 Maji“ me qendrën e Fierit, janë grumbulluar prej dy muajsh dhe mbetje nga përmbytjet si trungje, kallama apo shishe plastike. Pavarësisht se jo më shumë se një javë më parë, Gjanica doli sërish nga shtrati, biznese dhe individë vijojnë të hedhin mbeturina në lumë. “Mbeturinat nuk janë të sotme, mbeturinat janë të mbartura dhe as nuk kanë për tu rregulluar”, shprehet një qytetar.