POP 5

Lajmet më të lexuara të 5 minutave të fundit

Politikë

Plotësoni KQZ-në, Roucek:
Zgjedhjet vendimtare për në BE

Libor Roucek, numri dy i Socialistëve dhe Demokratëve në Parlamentin Evropian shprehet qartë se "nëse Shqipëria dështon me zgjedhjet, procesi i saj i integrimit do të ngecë".
TIRANE - Libor Roucek, numri dy i Socialistëve dhe Demokratëve në Parlamentin Evropian shprehet qartë se "nëse Shqipëria dështon me zgjedhjet, procesi i saj i integrimit do të ngecë". Roucek tërheq vëmendjen përsëri për rëndësinë e këtyre zgjedhjeve si një test politik që do të përcaktojë marrjen e statusit dhe çeljen e negociatave për pranimin e Shqipërisë në Bashkimin Evropian.

"Këto zgjedhje do të jenë një test i vërtetë për Shqipërinë, jo vetëm për rezultatet e tyre, sepse zgjedhësit shqiptarë do të vendosin cili fiton, por edhe për rëndësine e veçantë që kanë ato në këtë moment”, thotë Roucek.

Duke folur për KQZ-në, Roucek kërkon që ai të plotësohet pasi, ndryshe cënohen standardet e zgjedhjeve dhe ulet besueshmëria e votuesve. "Unë mendoj se është në interes si të qeverisë, ashtu dhe të opozitës që Komisioni të plotësohet, që ai të ketë 7 anëtarë.

Është vendimtare që Komisioni të jetë në gjendje të garantojë e të administrojë votat e zgjedhësve. Ne rekomandojmë që të rikontaktohet e të bashkëpunohet me Komisionin e Venecias. Duhet të diskutohet me specialistët e tij dhe të merren rekomandimet se çfarë duhet bërë në këtë rast me KQZ-në",-thekson ai.

Shkrimi u botua sot në gazetën Shqiptarja.com (print) 08.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11