'Po bëni inspektime selektive', Balla: Nga 3,498 kontrolle, vetëm 42 gjoba, duhet reformim total i Shërbimit Zjarrfikës

Ministri i Brendshëm Taulant Balla ka folur për inspektime selektive të zjarrfikësve sa i takon kontrolleve në biznese dhe ambiente të mëdha publike me qëllim pasjen e mjeteve për ndërhyrjen e shpejtë në raste zjarri.

"Në vitin 2023 janë kryer 3,498 inspektime dhe diferenca me masat administrative është shumë e madhe, janë vendosur vetëm 42 masa. Nuk e besoj dot se ka kaq pak shkelje. Shoh dy mundësi, ose inspektimet janë selektive tek subjektet që nuk kanë probleme, ose janë kryer pa analizuar problemet reale. Nëse nuk bëhet inspektimi në një ndërtesë dhe aty ndodh një fatkeqësi, janë kushtet e shpërdorimit të detyrës",  nënvizoi ministri.

Ministri tha se duhet plotësuar baza e plotë nënligjore për rekrutimet, trajnimet, menaxhimin e të dhënave, si dhe përmirësimin e transparencës së inspektimeve ndaj bizneseve. dhe apeloi për integritetin e inspektorëve të MZSh dhe reformim total të Shërbimit Zjarrfikës, në nivelin inspektues në shkallë vendi.

"Shërbimi zjarrfikës ka nevojë për uniformizim dhe përmirësim më të prekshëm si në Drejtorinë e Përgjithshme, e gjithashtu në nivel vendor", deklaroi Balla, në një takim të mbajtur me drejtuesit e Shërbimit në 61 njësi vendore në Shqipëri.

Sezoni turistik ka filluar dhe vera po afrohet si stinë, e kanë filluar problematikat e zjarreve.

"Jemi të gjithë të mirëkuptuar se gjithçka thashë është një epikrizë jo e plotë e situatës. E di fare mirë që në një pjesë të bashkive nuk kemi flotën e duhur të mjeteve zjarrfikëseve, nuk janë punonjësit e duhur në disa njësi vendore të trajnuar në këtë shërbim, por drejtuesit vendorë duhet të kuptojnë se të punosh në këtë shërbim nuk është qokë, sepse rrezikon edhe vetë jetën e atij personi që është emëruar në atë detyrë që nuk ka njohuri", deklaroi Balla. 

Ai foli për ndryshim të menjëhershëm të situatës, referuar të dhënave të ofruara nga inspektimet për këtë vit.

"Nuk duhet të ketë asnjë objekt me intenstitet të madh publik si hotel, kinema, etj., pa u inspektuar", tha ministri i Brendshëm, i cili në ditët e para të vitit ka firmosur një urdhër që detyron MZSH-në të kryejnë inspektime në çdo subjekt. Shqipëria kampione e turizmit në Ballkan, kërkon edhe një shërbim zjarrfikës kampion", nënvizoi Balla.

S.G/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 16/04/2024 02:44

    Z.Balla, filloje reformimin me policet e zjarrefikesit e Shkodres.U dogj i gjalle nje njeri dje ne Zogaj ndersa policia e zjarrefikesit e zones/rajonit //i delegonin// njeri-tjetrit topin e detyres e pergjegjesise.

    Përgjigju
  • Bravo z.Balla!Ju përgëzoj!: 16/04/2024 01:01

    Shumë e drejtë!..pra duhet Rikonstruksioni i Godinave edhe Hapësirave të Sherbimit Zjarrfikës!..duhet Logjistike e Personel i Kualifikuar..., që mban përgjegjësi!..Shiko Pikën e Qytetit Studenti,skandaloze,si kosh plehrash..?!!Aty të Ing e ndërtimit,po bëni një kompleks Pallatesh,ku shumë bukur mund të zgjeronin Hapësirat e reja të Zjarrfikësve?!

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta