POP 5

Lajmet më të lexuara të 5 minutave të fundit

Kronikë

Po trajnohen 400 infermierë, 100 nga Forcat e Armatosura! Rama: Në ditët në vijim presim lajmin për nisjen e vaksinimit masiv

Në stadiumin “Air Albania” 400 infermierë, disa prej tyre edhe nga Forcat e Armatosura, po trajnohen për të qenë gati për procesin e vaksinimit kundër COVID. Pasditen e sotme të pranishëm në 'Air Albania' ishte edhe Kryeministri Rama dhe ministrja e Shëndetësisë, Ogerta Manastirliu. 

Në stadiumin “Air Albania” 400 infermierë, disa prej tyre edhe nga Forcat e Armatosura, po trajnohen për të qenë gati për procesin e vaksinimit kundër COVID. Pasditen e sotme të pranishëm në 'Air Albania' ishte edhe Kryeministri Rama dhe ministrja e Shëndetësisë, Ogerta Manastirliu.

Manastirliu në fjalën e saj tha se 'armatës sonë të vaksinatorëve do t' shtohen rreth 400 infermierë që do të ndihmojmë për vaksinimin masiv të popullatës.

Ndërkohë që Rama rikonfirmoi se në mes të marsit vijnë 14 mijë dozat nga AstraZeneca, ndërkohë që janë në pritje të një lajmi të mirë për një sasi të konsiderueshme që do të çojë në nisjen e procesit të vaksinimit masiv.

"Ju përgëzoj për seriozitetin që po ndiqni trajnimin dhe ju siguroj për mbështetjen deri në fund në këtë proces. Duhet të jemi super të përgatitur që në sekondën e parë që ne do të disponojmë një sasi të konsiderueshme vaksinimesh të shtrijmë menjëherë rrjetin e vaksinatorëve të fushatës "Shqipëria buzëqesh", që duhet të jenë më shumë se sa kemi. Për këtë arsye i jemi drejtuar Forcave të Armatosura.  Kjo është në luftë botërore.  Janë sot 70% e vaksinave të prodhuara në duart e vetëm 10 shteteve. Shtete që nuk kanë bërë asnjë dozë ende janë mbi 100. Nga dita në ditë do të marrim një tjetër lajm të rëndësishëm për një sasi të konsiderueshme që do të kërkojë një angazhim shumë më të madh.  Drita që është shfaqur në fund të tunelit do të vijë duke u shtuar dhe ndihuni mirë që ju jeni rreze të kësaj drite", tha ndër të tjera Rama.

Kur kanë kaluar rreth 2 muaj (11 janar) nga nisja e procesit të vaksinimit në vendin tonë, mbi 10 mijë persona kanë marrë vaksinën anti-COVID. Më konkretisht referuar njoftimit zyrtar të Ministrisë së Shëndetësisë, vetëm gjatë ditës së djeshme janë vaksinuar 1014 persona, e ndërsa në total në Shqipëri janë kryer 16,807 vaksinime. 

Procesi i vaksinimit ka nisur në vendin tonë me bluzat e bardha, të cilët ndodhen në vijën e parë të zjarrit në betejën me COVID, për të vijuar me të moshuarit. Ministrja e Shëndetësisë, Ogerta Manastirliu ka bërë me dije nga mesi i muajit mars do të mbyllet procesi i vaksinimit për mjekët, për të vijuar me një proces intesiv të të vaksinuarit në popullatë. Kreu i qeverisë, Edi Rama është shprehur se në 15 mars priten të merren 8 mijë doza të tjera nga kompania Pfizer dhe fushata e vaksinimit do të shtrihet edhe në popullsi, me qëllim që të lehtësohet turizmi në vend, nisur edhe nga fakti që ky është një nga sektorët më të goditur si pasojë e pandemisë.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 05/03/2021 22:16

    Dua te di nga stafi i gazetes perse nuk i botoni komentet kur ato nuk jane ofenduese por vetem kritike ? Mos u beni dhe ju si shekulli se nuk do tju lexoj me kurre po nuk i botuat komentet jo ofenduese flm

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53