Po transportonte 3 kg kanabis, në pranga 50-vjeçari në kufi me Greqinë

Një 50-vjeçar ka rënë në prangat e policisë kufitare duke transportuar 3 kg kanabis.

Ai u ndalua pranë fshatit Konispol në kufirin e gjelbër me Greqinë.

50-vjeçari me iniciale N.K., banues në Berat po transportonte disa pako me lëndë narkotike të mbështjella në qese.

"Gjatë patrullimeve të shtuara, shërbimet e Policisë Kufitare, në kufirin e gjelbër mbi fshatin Konispol, kanë konstatuar dhe vënë në pranga shtetasin N. K., 50 vjeç, banues në Qelepias, Berat, i cili po transportonte disa pako me lëndë narkotike kanabis, me peshë rreth 3 kilogramë" - njofton policia.

Materialet iu referuan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale "Trafikimi i narkotikëve".

 

B.K./Shqiptarja.com

TAG:
• greqia
• kanabis
• droge
• policia kufitare
• Arrestime