'Po vij nga mali i Gramozit', emigranti nga Kolonja humb kontaktet me familjarët në kthim nga Greqia, nisin kërkimet nga të dyja anët e kufirit

Një 60-vjeçar nga Erseka emigrant në Greqi, ka humbur kontaktet me familjen prej të shtunës, pasi kishte njoftuar se do të kthehej përmes malit.

Në kontaktin e tyre të fundit Nevruz Zhuli ju kishte rrëfyer se do të udhëtonte drejt Ersekës nëpërmjet malit të Gramozit por pas asaj telefonate 60 vjeçari nuk ka kontaktuar më me familjarët e tij.

Familjarët janë të frikësuar nga fakti që në këtë udhëtim 60 vjeçarin nuk e ndihmonin kushtet atmosferike për shkak të rreshjeve të dëborës, ngricave dhe të ftohtit.

Policia ndërkohë është vënë në kërkim të tij duke kontaktuar edhe me shtetin grek nësë egziston mundësia e kthimit mbrapsht në të kundërt kërkimet do të nisin edhe në malin e Gramozit. Aktualisht po kryhen kërkime nga te dyja anët e kufirit. 60 vjeçari kishte shkuar për punë sezonale në Greqi.

B.K/SI.E./Shqiptarja.com

TAG:
• Ersekë
• Korce
• greqi
• Emigrant