TIRANË- Në podcastin e kësaj të shtune kryeministrit Edi Rama ka biseduar me sipërmarrësin Agim Xhindoli, i cili ka treguar vitet e tij të vështira, se si është rritur në një dhomë 4 me 4, ku jetonin 9 persona, emigrimi në Itali e kthimi në atdhe si biznesmen.
“Jemi rritur në një dhomë 4 me 4. Jashtë kishim një hamam, kishim një kuzhinë të vogël, por lagja që kemi qenë ne na kanë përkrahur jashtë mase, na kanë mbështetur nga të gjitha drejtime”, tregon ai.
Emigrimi nuk ka qenë i lehtë, aq sa është detyruar që të qëndrojë larg familjes. Ai tregon edhe një moment të dhimshëm, kur djali nuk e ka njohur.
“Në Itali kur kam shkuar, kam shkuar me patentë ndërkombëtare dhe kam filluar shofer pas 15 ditësh. Në Itali kam punuar dhe kur kam ikur në ’91 e kam lënë djalin 1 vjeç dhe kur jam kthyer e kam gjetur djalin 4 vjec. Kur kam ardhur për herë të parë, pas 3 vjetëve, i tha djali të ëmës “Kush është ky burri që fle këtu”, shtoi sipërmarrësi.
Për t’u kthyer në atdhe e ka bindur shoku i tij.
“Ai më pa që isha punëtor dhe më tha “Gim, je djalë i mirë, je djalë punëtor. Kthehu në Shqipëri se këtu do mbetesh shofer”. Ai ishte momenti që ai më ndihmoi në të gjitha drejtimet; erdha në Lushnje, hapa biznesin bashkë me vëllezërit dhe që në ’94, 4 muaj pasi hapa biznesin, kam punësuar 3 italianë, kam sjellë shkollën e parë moderne nga Italia që ishte makina brenda në klasë, të gjitha tipet e mjeteve dhe kam sjellë, gjithë pajisjet për lyerjet e makinave, kam sjellë një bojaxhi, një karrocier për llamarinat dhe një mekanik, që në ’94. Kanë punuar 3 vjet në Shqipëri, u martuan me gra shqiptare dhe kanë familjet sot e kësaj dite”, tregon Xhindoli.
Nisur nga kjo eksperiencë, sipërmarrësi tregon se kur të rinjtë i thonë se do ikin për punë jashtë vendit, nuk i ndalon, por thotë se shumica prej tyre janë kthyer.
“Pardje një inxhinier i imi që kam bashkëpunuar këtu në Tiranë, më ka marrë në telefon dhe më ka thënë: Jam bërë pishman - tha, këtu kishte goxha pagë ai, 1500 euro në muaj dhe ishte shumë i zoti. Dhe më ka thënë që do kthehem. Hajde – i thashë unë. Derën e ke të hapur. Madje të gjithë këta punëtorët që kanë ikur, unë i them, ik provoje, dera hapur është. Edhe janë kthyer”, u shpreh ai përballë kryeministrit Edi Rama.
Kjo intervistë nuk ka qenë e zakonshme, sepse Agim Xhindoli është marrë me politik dhe prej 32 vitesh ka kontribuar për Partinë Demorkatike.
“Unë dhe familja ime e them me plot gojën, që jemi të vetmit gjatë 32 viteve që nuk kemi luajtur nga PD dhe jemi te PD, atje ku kam kontributin 32 vjeçar unë dhe familja ime. Jemi të drejtpërdrejtë, nuk fshihemi. Prandaj respektohemi se jemi të drejtpërdrejtë. Japim kontributin tonë, por s’kam asnjë kompleks. Madje dhe kur erdhët ju te fabrika se unë ju vlerësoj shumë dhe ju respektoj në maksimum se je kryeministri i parë, - se unë në biznes nuk kam as 3 ditë, as tre muaj, as 3 vjet, në 1 maj tani, mbush 29 vjet - dhe nuk ka ardhur njeri nga politika, nga PD që unë kam kontributin tim familjar, të më ketë vizituar fabrikën, as për mire, as për keq. Megjithatë prapë unë i jam mirënjohës të gjithëve, çfarë kanë bërë ia kam bërë hallall. E kam bërë dhe për veten time dhe për shpirtin tim. E kam bërë si qytetar. Dhe kur erdhët atë ditë dhe më thatë: e keni kompleks? Ju thashë: kompleks nuk kam, biles jam më i lumturi i botës që po vjen një kryeministër”, përfundoi Xhindoli.
Ky është podcasti i katërt i kryeministrit Edi Rama, i cili në këtë fushatë zgjedhore ka vendosur që të bëjë edhe rolin e intervistuesit me kandidatët e PS-së, por jo vetëm.
VIDEO- PODCASTI i plotë i kryeministrit Edi Rama
Podcastin me sipërmarrësin Agim Xhindoli, kryeministri Edi Rama e shfrytëzoi edhe për t’u rikthyer në kohë, duke sjellë episode sa interesante aq intriguese, nga Lushnja, ku kishte shkuar përherë të parë me tren, kohën kur ishte piktor. Thotë se ishte me mikun e tij Vladimir Myrtezajn dhe kishin marrë një porosi të përshkruanin Shqipërinë e kohës së Zogut në një murale.
“Bie telefoni, ishte një telefon aty. Hap telefonin unë dhe thotë: ju pret poshtë i plotfuqishmi. S’kam kërkuar - i thashë - asnjë të plotfuqishëm kështu që skam takim me asnjë të plotfuqishëm dhe e mbyll telefonin”, thotë Rama.
Bëhet fjalë për vitin 1987, kur kryeministri duhet të ketë qenë një 23 vjeçar, që siç ai e përshkruan veten, ishte edhe rebel, i parruar. Një formë për të protestuar ndaj kohës dhe sistemit. Më gjuhën e një detajuesi, ai tregon personazhin misterioz, që pasi nuk mori përgjigje në telefoni e dhomës së hotelit, i trokiti në derë
“Me një kostum, gri, me këpucët gri me vrima. I zeshkët me një kravatë si gjuhë lope kështu e trashë që më thotë: atë mjekrën do ta rruash vetë apo do ta rruajmë ne, gjatosh”, shtoi ai.
Protestën ndaj regjimit, Rama e tregon me kënaqësinë e një njeriu që ka arritur të përballet, edhe pse atë kohë kjo gjë rrallë ndodhte. Ndryshe përfundoje keq. 30 e disa vite më pas, nuk kalon pa venë në dukje njohuritë e tij për pikturën, artin në botë
“Filloi piktura të krijonte shqetësime, jo po ç‘është kjo, jo po kau kështu - “kështu ka qenë kau në kohë të Zogut, Ku e dini ju? Ne mendojmë që ka qenë kështu, gërdallë e madhe. Jo, s’është kau i Zogut ky, ky është si kau i Pikasos. Nuk e njoh i thoja, nuk di gjë kush është Pikaso”, deklaroi Rama.
Në mbyllje të për të kënaqur me humor edhe mysafirin e tij Xhindolin, Rama solli një tjetër episod të atyre ditëve në Lushnjë. Ishte dita kur veteranët që njihnin kohën e Zogut, do të vendosnin mbi fatin e muralit
“Edhe ishte njëri, një person, i cili më ndiqte mua në Lushnjë, më ndiqte literalisht me një çekiç të mbledhur në një gazetë dhe thoshte : unë atë do ta vras. Dhe ishte gjys i çmendur, unë e merrja me të qeshur”, përfundoi Rama rrëfimin e tij.
Komente
Lajme të tjera
-
Turi me diasporën/ 'Diversantët' e Berishës 'të infiltruar' në takim! Rama: Akte antishqiptare nga të verbër që nxiten nga Tirana! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
Me kete podcast e keni fituar padiskutim audiencen e qytetareve
PërgjigjuQë jo
Nga nje parti si pd mund te presesh cdo gje
PërgjigjuNjeri mjaft puntor e me nje jete aspak te lehet
Përgjigjuedhe pse ky i ftuar mbeshtet nje force tjeter politike ai pranoi ftesen tuaj per te qene ne kete podkast
Përgjigjupo ku ka pas perfitime si sipermarres ne kohen e saliut ai qe vetem shkaterronin cdo gje
Përgjigjuvertet shume prekese fjalet qe ka thene djali i tij
PërgjigjuShyqyr djali nuk tha ku është ai burri tjetër
Ky emision na tregon edhe me shume rreth ceshtjeve te ndryshme ,biseda mjaft interesante qe duhen degjuar nga te gjithe
PërgjigjuNje bisede mjaft interesante per tu degjuar nga te gjjthe
PërgjigjuPo ku pyet i cmenduri per nje gjysem te cmendur. Prandaj qeshje me te
PërgjigjuO Shqiptar dëgjoni e mbani vesh kudo që të vesh në Bot do jesh shërbëtor. Në Shqipri jeni Zot pra mos u gënjeni e lerini llafet e barcaletat po punoni në Shqipri. Se po të punoni në Shqipri si punoni në Gjermani do ja kaloni dhe Zvicrës. Mos u ankoni po punoni punoni punoni. Falemnderit për mifkuptimin.
PërgjigjuVazhdo se kështu do tërhiqen Shqiptarët të hapin biznes, edhe puntorë do gjejmë.
PërgjigjuNuk eshte keshtu si e tregon ky. Albanistani eshte vend i felliqur
PërgjigjuKy sipermarres po jep mesazh te mire per te ecur perpara
PërgjigjuEshte dhene nje mesazh shume i bukur
PërgjigjuMe force e vullnet arrin te dalesh nga mjerimi
PërgjigjuMjerimi eshte ngulur kemb kryq ne shqiperi i dashur.korrupsion nga te gjitha anet e shqiperise ne te gjitha institucionet pa prejashtim