POP 5

Lajmet më të lexuara të 5 minutave të fundit

Sociale

Pogradec, Alarupi i mbytur nga plehrat! Banorët: S'ka kosha mbeturinash, makina e pastrimit vjen një herë në javë

Mungesa e koshave të mbeturinave, ka bërë që banorët e fshatit Alarup në Pogradec, të jetojnë mes plehrash. Makina e pastrimit të bashkisë i merr mbeturinat vetëm një herë në javë, duke rrezikuar seriozisht shëndetin e banorëve.

Kjo është pamja me të cilën banorët e fshatit Alarup në Pogradec përballen çdo ditë. Në mungesë të kontejnerëve, ata janë detyruar që të gjejnë si zgjidhje krijimin e një vendgrumbullimi mbetjesh në periferi të fshatit, ose t'i mbajnë në banesë për një javë, derisa të vijë makina e pastrimit të bashkisë. 

Banorët e fshatit Alarup thonë se pavarësisht thirrjeve të vazhdueshme, kjo situatë që po u rrezikon shëndetin, nuk po merr zgjidhje. Një shqetësim tjetër i banorëve është pamundësia për të depërtuar në varrezat e fshatit pasi rruga që çon drejt tyre është pushtuar nga plehrat.

“Makinat vjen njëherë në javë. Një javë i mbajmë nëpër shtëpi sepse nuk ka kontejner. Brenda në shtëpi. Të pa ndërgjegjshmit i hedhin këtu. Fushë mbetjesh këtu. Mirë do ishte. Nuk ka kazan plehrash. Gjithmonë ka qenë kështu. Po su bë një shembull nuk e hedh. Komuna e ka pastruar 3-4 herë”, tha një banor. 

“Mbeturinat i mbaj në shtëpi. Na kanë dhënë urdhër që ti grumbullojmë. Paguajmë në komunë taksa. E pastron komuna. Grumbullohen ca dhe vijnë i pastrojnë. A ka të mira nga papastërtitë? Njëherë në javë vjen makina”, tha një tjetër. 

“Atje i hedhin. Njëherë në javë vjen makina e pastrimit. I grumbullojmë në shtëpi dhe kur vjen makina e pastrimit i nxjerrim. Kemi kërkuar kazan por nuk sjellin. Na shqetëson situata”, tha një tjetër. 

“Na shqetësojnë. Nuk ka kazan. I mbledhin në thasë dhe më pas i hedhim. Një herë në javë nuk është e mjaftueshme. Mirë këtu që i hedhin, por i hedhin edhe në rezervuar. Aq më keq. Gjithë këto vite ka. Hidh në rezervuar e hidh në varreza”, tregoi një grua. 

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54