Ishte pasditja e 10 gushtit kur Egli Proga mbylli qepenin e lokalit të tij në Pogradec për herë të fundit dhe u drejtua për në shtëpi. Pak metra më tej, në afërsi të një lokali tjetër ishte ulur Denis Meçe dhe e ftoi Eglin për një cigare.
Top Channel shkruan se ai i ka kërkuar xhiron ditore 42-vjeçarit si “gjobvënie”, por ky i fundit ka refuzuar. Në ato momente, Egli është shprehur se nuk mund t’i jepte xhiron ditore, pasi kishte për të mbajtur fëmijët e tij.
Xhiroja ditore i kushtoi jetën Eglit, pasi u godit me grushte në anën e majtë të kokës nga Denis Meçe, goditje e cila ishte fatale. Dëmtimet e shkaktuara nga dhuna kanë qenë serioze dhe megjithëse u dërgua në spital Egli Proga nuk mundi dot të mbijetojë.
Sot seanca në gjykatë, autorit i zbutet akuza
Në dhimbje që nuk do t’i largohet ndoshta asnjë ditë, motra e Egli Progës priti sot në derën e Gjykatës së Korçës mbërritjen e Denis Meçes, autorin e dyshuar të dhunës ndaj vëllait, që vdiq në rrugë, vetëm pak metra larg dyqanit të tij modest në Pogradec.
‘Dua të shoh vrasësin e vëllait tim... ja kafsha’, dëgjohet ajo duke qarë para gjykatës në momentin e mbërritjes së autorëve për masë sigurie.
Gjyqtares Luljeta Kole nuk iu desh shumë kohë të lërë në burg, Meçen 29 vjeç për vrasje nga pakujdesia, dhe me “detyrim paraqitje” 3 të tjerët për moskallëzim krimi; Voltan Shulkun, 40 vjeç, Arian Manellarin 55 vjeç, dhe Leonidha Guçen, 47 vjeç. Shulku është pronari i lokalit ku ka ndodhur vrasja.
Por, ajo çfarë vihet re është se prokurorja e çështjes, Vasjana Postol ka zbutur akuzën për 29-vjeçarin Meçe. Policia e kishte referuar ngjarjen si vrasje me dashje, akuzë që dënohet nga 10 deri në 20 vjet burg. Por, rrahja brutale për vdekje që Denis Meçe i ka bërë Egli Progës, për prokuroren e çështjes Vasjana Postol është cilësuar si vrasje nga pakujdesia. Kjo vepër penale dënohet me gjobë ose me burgim deri në 5 vjet. Autori është nipi i Valter Gora, ish-drejtor i Postës Shqiptare.
Pavarësisht se Gjykata e Korçës, e la në burg Denis Meçen për vrasje pakujdesia, akuzat e ngritura nga kushëriri i viktimës Egli Proga, në lidhje me gjobvënie, do të hetohet nga prokuroria dhe policia lokale.
Familjari u tha gazetarëve, se “gjithçka pritet nga këta kriminela. Në qytetin e Pogradecit këta njihen shumë mirë për gjobëvënie, ndaj duhet të zbardhet e vërteta”.
Familjarët akuza: Policia tentoi të fshehë ngjarjen
Vrasja e Egli Progës mbrëmjen e së shtunës në qytetin e Pogradecit, u shoqërua me shumë dyshime dhe paqartësi, mbi dinamikën dhe nëse ngjarja ishte një vdekje aksidentale apo një vrasje siç dyshimet janë më të shumta. Kur i ndjeri u gjet në rrugë, u raportua se sipas të dhënave paraprake, 42-vjecari në gjendje ndoshta nga alkooli, ishte rrëzuar. Por kur mjekët tentuan t’i japin ndihmën e parë në spitalin e Pogradecit, ngritën dyshime se ai ishte dhunuar.
Jonida, e motra e të ndjerit ka hedhur akuza të forta që prej ditës së djeshme për autoritetet. Ajo thotë se vetë autoritetet janë munduar të fshinin ngjarjen duke e raportuar si aksidentale. Sipas saj, Policia e Shtetit veproi me vonesë, ndërsa edhe ambulanca u vonua dhe ndërhyrja për të vëllanë ishte shumë vonë. Madje e motra deklaroi se policia fillimisht u tha familjarëve se ai ishte rrëzuar, por kur kanë parë trupin, duke qartësisht që ishte dhunë barbare.
Hetimi paralel për ngjarjen
Drejtori i Përgjithshëm i Policisë së Shtetit, Muhamet Rrumbullaku u detyrua dje të udhëronte inspektimin e procedurave të kryera nga Policia e Pogradecit, në qarkun e Korçës, lidhur me ngjarjen e cila u raportua fillimisht si aksidentale.
Ai urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën 42-vjeçari Egli Proga.
Gazetari i Report Tv, Armand Braho ishte në lokalin përballë të cilit u vra Egli Proga në Pogradec. Nga rrahja brutale jashtë ambienteve të lokalit, Egli Proga humbi jetën. Lokali ‘Stropcka’ para të cilit ndodhi krimi është ende i mbyllur, ndërsa në pranga përfundoi edhe pronari i këtij lokali Voltan Shulku, bashkë me dy të tjerë, të cilët dyshohet se fshehën krimin. Të tre janë lënë në masën detyrim paraqitje, pasi fillimisht kanë deklaruar se Proga është rrëzuar dhe nuk kanë treguar që ishte dhunuar.
Gazetari i Report Tv, Armand Braho ndërtoi edhe njëherë dinamikën e ngjarjes. Pasditen e 10 gushtit, Egli Proga ka mbyllur lokalin e tij te ‘Nazua’ rreth orës 18:30 dhe është nisur për në shtëpi. Report Tv solli edhe pamjet e fundit të Progës para se të rrihej brutalisht për vdekje.
Pak metra më tutje, pasi ka mbyllur lokalin e tij, Proga është përballur me autorin Denis Meçe. Aty ka nisur konflikti mes tyre dhe Meçe e ka rrahur për vdekje, ndërsa Proga është shembur në tokë. Sipas dëshmive të qytetarëve në zonë, ambulanca është vonuar të paktën 30 minuta.
Policia po heton pistën e gjobëvënies, ndërsa Proga njihej si person i qetë në zonë.
“Jam në vendin ku 4 ditë më parë humbi jetën Proga nga autori Meçe, i cili është lënë në arrest me burg nga gjykata. Jemi në lokalin e të ndjerit, të Nazua, që gjendet në zonën e agjencisë ku nis edhe pazari i zonës së Pogradecit. I ndjeri ka nisur të largohet, duke futur karriget dhe më pa si ka vënë kyçit lokalit për në banesë. Këtu janë fiksuar edhe momentet e fundit të jetës, ku i ndjeri po kalonte drejt vendit ku u përplas me 29-vjeçarin.
Nuk kanë pasur njohje të afërta, as komunikime të mëparshme. Autori është nga një fshat i Pogradecit, viktima është zhvendosur prej vitesh në Pogradec. Proga ishte i qetë dhe s’ka pasur konfrontime më të tjerë më parë.
Ndër të arrestuarit, është edhe pronari i lokalit Voltan Shulku, që ka tentuar të fshehë ngjarjen duke thënë se ishte ngjarje aksidentale. Gjykata i ka lënë të 3 me masën detyrim paraqitje. Në ambientet e jashtme të këtij lokali ka nisur konfrontimi. Kanë dhënë deklaratën se është rrëzuar dhe nuk është goditur nga askush. Për motive të dobëta ka nisur sherri për një cigare që autori i ka kërkuar viktimës. Ky ishte motivi që ata kanë deklaruar, por po hetohet edhe pista e gjobëvënies. Pistë ku hetuesit po thellohen.
Ka qëndruar rreth 30 minuta i shtrirë derisa ka ardhur ambulanca me vonesë”, raportoi gazetari i Report Tv, Armand Braho.
Egli Proga i shtrirë në tokë pasi u rrah për vdekje
Detaje të reja kanë dalë lidhur me ngjarjen e rëndë të vrasjes së 42-vjeçarit Egli Proga në Pogradec. Pas lehtësimit të akuzës për autorin Denis Meçe, nga “vrasje me dashje” në vrasje nga pakujdesia”, BalkanWeb shkruan se dyshohet se janë fshirë pamjet e kamerave të sigurisë që kanë filmuar ngjarjen. Vrasja ka ndodhur në një lokal tjetër, i njohu në zonë si lokali i ‘Polit’.
Mësohet se kur ka ndodhur ngjarja dhe 42-vjeçari Egli Proga ishte i shtrirë në tokë në gjendje të rëndë, me mbërritjen në vendngjarje të policisë fillimisht është vendosur shiriti skenë krimi, por është lënë shumë pak dhe është hequr. Kjo vërtetohet edhe nga pamjet e kamerave në rrugë.
Pas transportimit të 42-vjeçarit në spital dhe kur u dha informacioni që Egli Proga ndërroi jetë, policia rivendosi sërish shiritat e skenës së krimit në vendngjarje. Krimi ka ndodhur në një lokal dhe sekuestrimi i kamerave u bë pasi u rindërtua ngjarja.
BalkanWeb shkruan se DVR e kamerës së sigurisë të sekuestruar nga policia nuk ka të regjistruar asgjë rreth krimit. DVR është dërguar nga policia për ekspertim nisur nga dyshimi se mund të ketë pasur ndërhyrje.
Autori nuk është zbuluar nga pamjet pasi nuk ka pasur, por është zbuluar pas intervistës që iu është bërë personave të shoqëruar të cilët kanë qenë ne lokal në momentin që ka ndodhur krimi, ku një prej tyre është thyer dhe ka treguar të vërtetën.
Pasditen e 10 gushtit Egli mbylli për herë të fundit kafenenë e tij të vogël që e menaxhonte në Pogradec dhe me të cilën ushqente familjen. E kishte quajtur “Te Nazua”. Ishte shkurtesa e emrit të babait të tij Nazmi Proga.
Kishte kaluar ora 18:00. Pasi fut çadrën që kishte para dyqanit brenda në lokal, e mbyll dhe nis te largohet për në banesë, pa e ditur se do të ishte hera e fundit.
Në videon ekskluzive që Report Tv e Shqiptarja.com disponon 42 vjeçari duket teksa mbyll lokalin. 5 minuta më pas ai dhunohet nga Denis Meçe i cili e priste në afërsi të një lokali tjetër. Policia ka deklaruar zyrtarisht se ngjarja ndodhi për motive të dobta, por Top Channel mëson se Denis Meçe i ka vënë “gjobë” Eglit, duke i kërkuar atij xhiron ditore të lokalit të tij.
"Te Nauza' Ishte një kafene e vogël në mes lagjeve në Pogradec ku kryesisht uleshin tregtarët që shesin tek tregu i fruta perimeve.
Kishin vite që e menaxhonin lokalin dhe asnjëherë nuk kishin pasur konflikte. Edhe shitësit që ndodhen aty e kujtojnë Eglin si një djalë të qetë dhe pa konflikte.
Egli Proga dhe Denis Meçe
Denis Meçe, i riu që akuzohet si autor i vrasjes së Egli Progës në Pogradec doli sot para Gjykatës së Korçës, ku u njoh me masën e sigurisë arrest me burg. 3 të tjerët që nuk kallëzuan krimin u lanë nga Gjykata në masën detyrim paraqitje.
Por, kjo histori është veshur me hije dyshimi. Në fillimet e saj u raportua si një vdekje aksidentale, me pretendimin se 42-vjeçari ka qenë në gjendje të dehur dhe është rrëzuar në tokë e më pas humbi jetën në spital.
Por në fakt, vrasja e 42-vjeçarit u raportua vetëm pasi ai humbi jetën në spital më 10 gusht. Ai ishte dhunuar brutalisht në rrugë nga Denis Meçe, i cili më pas është larguar nga vendi i ngjarjes. Pas familjarët kanë konstatuar shenjat e dhunës në trupin e Egli Progës, policia e raportoi si vrasje dhe njoftoi arrestimin e autorit të dyshuar Denis Meçe dhe 3 të tjerëve që nuk kallëzuan krimin.
Policia kishte referuar ngjarjen në Prokurori si vrasje me dashje, akuzë e cila sipas Kodit Penal të Shqipërisë dënohet nga 10 deri në 20 vjet burg. Por Prokuroria, pas 48 orësh, kur e ka dërguar dosjen për vlerësim në gjykatë ka ndryshuar akuzën për Denis Meçen, duke e referuar tashmë ngjarjen si vrasje nga pakujdesia, duke e zbutur atë në maksimum. Kjo vepër penale dënohet me gjobë ose me burgim gjer në 5 vjet.
Rrahja brutale që Denis Meçe i ka bërë Egli Progës, që ka shkaktuar vdekjen e këtij të fundit, nga prokurorja e çështjes Vasjana Postol është cilësuar si vrasje nga pakujdesia. Këtë masë e ka konfirmuar edhe gjyqtarja Luljeta Kole duke e lënë të riun në masën në arrest me burg.
Më poshtë njoftimi i Policisë së Korçës për arrestimin e Denis Meçes dhe akuza e referuar në Prokurori
“Konfliktohet për motive të dobëta me një shtetas dhe gjatë konfliktit i shkaktoi dëmtime me pasojë vdekjen, kapet dhe vihet në pranga nga Policia autori i dyshuar. Në pranga edhe tre shtetas të tjerë për moskallzim krimi dhe veprime që pengojnë zbulimin e së vërtetës.
Në lagjen nr. 1 Pogradec, gjatë një konflikti për motive të dobëta shtetasi Denis Meçe, 29 vjeç, dyshohet se jashtë ambienteve të një lokali është konfliktuar fizikisht me shtetasin Egli Proga 42 vjeç, i cili gjatë konfliktit fizik është rrëzuar në tokë pa ndjenja dhe për pasojë ka ndërruar jetë.
Shtetasi Denis Meçe, 29 vjeç, pas konflikt është larguar nga vendi I ngjarjes por falë reagimit në kohë të Policisë u bë e mundur kapja dhe arrestimi i tij për veprën penale “Vrasja me dashje”.
Në vijim të veprimeve për zbardhjen dhe dokumentimin e plotë ligjor të kësaj ngjarjeje, shërbimet e Seksioni për Krimet Kundër Personit në DVP Korçë në bashkëpunim me shërbimet e Komisariatit të Policisë Pogradec arrestuan në flagrancë shtetasit:
Voltan Shulku, 40 vjeç, Arian Manellari, 55 vjeç, dhe Leonidha Guçe, 47 vjeç, për veprat penale "Moskallëzim krimi", dhe "Veprime që pengojnë zbulimin e së vërtetës". Këta shtetas kanë qenë të pranishëm kur ka ndodhur ngjarja dhe nuk kanë kallzuar krimin duke penguar zbardhjen e së vërtetës.
Materialet proceduriale i kaluan Prokuroris pranë Gjykatës së shkallës së Parë të Juridiksionit të Përgjithshëm Korçë”, njoftoi policia më 10 gusht.
Motra e Egli Progës e ka cilësuar si vrasje nga gjykata caktimin e masës ‘detyrim paraqitje’ për 3 të arrestuarit për mos kallëzim krimi, ndërsa autori Denis Meçi u la në burg me akuzën e vrasjes nga pakujdesia.
"Po flisni për padrejtësi që filloi nga policia e shtetit, padrejtësi duke filluar nga regjistrimet, çdo akt që kanë sjellë ata, akt që ka shoqëruar edhe gjykatën në padrejtësi. Janë lënë të lirë të gjithë vrasësit, flasim për padrejtësi të menjëhershme, në kohë, në bashkëpunim. Flasim për banda të bëra bashkë. Kam parë skedën e vdekjes, me shënim "është vrasje". Çfarë janë këta të tjerët që lihen me detyrim paraqitje?
Po vazhdon të vritet Egli, me çdo veprim dhe mosveprim që është duke u kryer. Kjo është vrasje për herë të tretë.
Po flasim për vrasje me dashje, në bashkëpunim, në masë, të një njeriu të pafajshëm dhe janë lëshuar një tufë huliganësh. Kjo është.
Duke njohur kontingjentet, unë nuk jam në dijeni për gjobë, por duke njohur elementët është gjëja më e rëndë. Kur guxohet ta vrasësh, me grushte një njeri, do të thotë që çdo gjë tjetër është e mundur. Është bërë më ekstremi, më e madhja."- u shpreh motra e viktimës para gjykatës.
Ndërsa i afërmi tjetër i Egli Progës hodhi akuza të forta: "Gjithçka pritet nga këta kriminela. Në qytetin e Pogradecit këta njihen shumë mirë për gjobëvënie, jam pa fjalë. Nuk di çfarë të them. Dua që drejtësia të vihet në vend. Ju lutem mediat të bëjnë të pamundurën, të zbardhin të vërtetën ose nuk e di çtë them. Këta janë kriminela të gjithë në bashkëpunim."
Komente
Lajme të tjera
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Bora e parë zbardh Korçën, të huajt dynden drejt Dardhës, Voskopojës dhe Vithkuqit! Turisti nga Brazili: Vij çdo vit për ski
17 Nëntor, 15:57
-
Korçë/ Kapet me 3 kg kanabis, lëndën narkotike e kishte fshehur në motorin e makinës! Arrestohet 32-vjeçari
17 Nëntor, 08:56 -
Aksident i rëndë në Maliq, furgoni përplaset me makinën! 7 të plagosur, njëri dërgohet te Trauma (VIDEO)
17 Nëntor, 07:56 -
Fundjavë e pazakontë, borë dhe plazh në mesnëntori! Në Vlorë më të guximshmit bëjnë not, zbardhet Dardha e Korçës
16 Nëntor, 13:30
VRITENI ATY NE GJYGJ,,,MERNI NJE REVOLE ME VETE E SHKONI NE GJYKATE,,,KUR TE HYJE BRENDA NE SALLE,,VRITENI ATY NE SALLLE...OSE SHTETI TE RIKTHEJE DENIMIN ME VDEKJE.....BOLL...NA KA HUMBUR DURIMI....
PërgjigjuTa kthen Zoti ta kthen o prokurore. iku I la femijt jetime tjetri, kane dhe ata hakun e tyre. Ju doni byzylyket
PërgjigjuRendesi ka turizmi elitar i Pashait Rama dhe bajraqet e oligarkeve. Shqiptaret e thjeshte duhet te shuhen. Arnautistani oriental me xixa, me barinj per police e sharlatane per prokurore, me zaptime, beton, droge e vrasje.
PërgjigjuQytetet e vogla jane historikisht me te rrezikshme se te medhate, se te gjithe njohin te gjithe.Jam gati te ve bast qe ata te tre qe akuzohen per moskallzim krimi e njihnin kete gangon si nip i Valter Gores, ish-drejtorit te postes,ashtu sic e dinte dhe policia qe mbuloi krimin,bile keta te paret mund te jene dhe intimiduar pa u kercenuar akoma se mjaftone emri i vrasesit e lidhjet e tij fisnore te benin efekt ashtu sic bene dhe mbi policet dhe dyshoj qe dhe keta te tre mund te kene qene pre e ndonje gjobe prej ketij shushunjes,ose e dinin qe vinte gjoba dhe prandaj /nuk pane asgje/ edhe pse pane mjaftueshem.S.d.q familja duhet te beje ankese ne KLP,a KLGJ,ose ne ministri per kete prokuroren e korruptuar dhe frikacake Vasjana Postoli, qe ben rolin e avokatit te vrasesit duke ja kthyer ne /vrasje nga pakujdesia/.Prokuroria kerkon njerez te forte e te pakorruptuar.Kur ishte /veze plluge e prishur/ pse dreqin u be prokurore?! Mire per policine qe i tund e i shkund Rrumbullaku pa ua zgjatur shume,po keta prokurore si kjo Postoli kush duhet t'i heqe nga sistemi i drejtesise?!Veting dhe te huaj qe te na monitorojne nuk do te kemi gjithemone! Familja e sidomos motra e viktimes nuk duhet te terrhiqet asnje cast deri sa te rivendoset akuza /vrasje me paramendim/ dhe po te jete nevoja te ndjeke te gjitha shkallet, sic bene ata te Gerdecit e 21 Janarit.Nuk ka rendesi nese eshte nje Mediu,nje Berishe,apo nje Denis Mece,duhet te dalin para drejtesise,pa zbutje akuzash e te japin llogari deri ne nje!!
PërgjigjuIris, i ke thene te gjitha. Krim ne te gjitha nivelet, deshmitarev te trembur, bashkepunetore qe s'flasin, police te korruptuar, mjeke te paafte, sistem gjyqesor pale me krimin. Shkurt, pikerisht ajo qe ndodh me mafian ne qytetet e vogla te jugut te Italise.
Nè njè qytet si Pogradeci,,,njè ngjarje e tillè makabèr,,kèrkon doemos njè sqarim tè rolit tè policisè pèr mènyrèn e trajtimit tè rastit. Komisioni i brendshèm i policisè,,i thirrur me aq urgjencè nga drejtori Rrumbullaku, duket mè tepèr si njè qetèsues pèr publikun sesa do tè jetè nè gjèndje ti japè pèrgjigje, pyetjeve tè ngritura. Pèrse e ka tè nevojshme policia e Pogradecit tè bèjè deklarata tè rreme pèr gjithçka ka lidhje me vrasjen? Mè tepèr sesa pèr kontrollin e brendshèm, ky èshtè njè rast pèr prokurorinè.
PërgjigjuShqipëri o e mjera Shqipëri, që ke hajduta në kriii. Mjerë ai që iku e mjerë Familja e tijë.
PërgjigjuPak si shpejt per lehtesim akuze. Kaq e afte kjo prokurore sa i shkoi ne fund ceshtjes brenda dites...! po sikur te ishte vellai i saj ai qe nderroi jete cfare akuze do kishte bere kjo...!?
PërgjigjuSi ka mundesi qe nuk arrestohet gjith ato shefat e policet e komisariatit
PërgjigjuNese viktima do ishte vellai i prokurores Vasjana Postol akuza do te ishte vrasje me dashje e kryer ne bashkepunim. Meqe viktima eshte popull i thjeshte punetor pa perkrahje, atehere perse te bej armiq Vasjana? Pritem nga Vetingu por ne prokurorite e rretheve dhe te tiranes asgje nuk ka ndryshuar. Llumi, konflikti interesasi dhe korupsioni jane ulur kembekryq.
PërgjigjuKy I shkreti viktima paska ken I dehun(e tregon video)e te ddehunin e rreh kollaj.Ndersa ajo gjykatsja asht lodh kot me at venim vetem sa ka nxjerr korrupsionin personal e tapo I vehen mrapa per pasurin se kan ndryshu situatat me kohen e Berishes.Edhe venimi sapo te shkojn ne gjykaten e nalte tapo anullohet gjithça e kthehet ne vrasje me dashje.
PërgjigjuIshte patronazhist i lagjes ky Denisi, ka dashte hisen e vet
PërgjigjuArtikulli nese e lexoni deri ne fund dhe jo pjese -pjese, me shume te ben konfuz se sa jep informim mbi ngjarjen.
PërgjigjuTë qëllosh me grusht nji person,dhe ta lesh të vdekur,nuk është vrasje nga pakujdesia por...,vrasje me dashje.Drejtësi për viktimēn.
PërgjigjuDuhet vrar kjo gjykatēsja e pasi tē vritet kjo vrasēsi tē dēnohet nga pakujdesia. Po Edi Ram ça bēn bēn sehir. Pse se mer zvar ktē flliqsirēn prostitut qē jep vendim vrasje nga pakujdesia.
PërgjigjuPo ç'lidhje ka qeveria me drejtësinë o njeri që të ka mbet sahati në komunizëm ku përdorej fjala shtet dhe jo qeveri. Drejtësia është pjesë e pavarur e shtetit si dhe qeveria.
Ky viktima ka njers familjar kushurri cuna daje e halla e teze. Lar g qoft mua te me ndodh keshtu qoft trims maj mash ne shqipri. Se ja kisha vra te gjith familjen qe mos i dilte fara mo..
PërgjigjuShteti o duhet te vere dor ndaj kriminelave qe ti ekzekutoj vete me skuadra speciale Ose te lete vetegjyqesin rruge te mesme ska
PërgjigjuKete vrasesin ne Big Brother vitin tjeter! Ta bejme VIP! Kurse viktima ka gabuar rende qe nuk i ka dhene xhiron ditore! Do kishte qene gjalle tani! Nganjehere principet te marrin ne qafe! Ndersa per sa i takon policise e prokurorise nje pergjigje kam per te gjithe te shqetesuarit! Nuk ka qene me mire aspak ne kohen e Saliut! Dhe nuk do ishte aspak me mire po ta drejtonte opozita kete vend!
PërgjigjuKur do shefi madh ka veting kur nuk do shefi ska vetintg
PërgjigjuEpo kaq te urte jane njerezit ne Pogradec sa akoma ju vendosin gjoba ca kokpalare.Po shkoni o denoncojini dhe nese nuk pergjigjet shteti vazhdoni vete
PërgjigjuDuhet ndryshuar kodi penal qe ti vijme ne ndihme policise, prokurorise dhe gjykates te koruptuar. Duhet vendosur neni: Rrahje se nuk kam frike nga ligji, me pasoje vdekjen. Denimi 1 vit riedukim ne shkollen e rilindjes.
PërgjigjuSi ju ze gjumi naten, mor plehra gjykates e prokurore, qe e quani vrasje nga pakujdesia? Ata duhen rrjepur te gjalle.
PërgjigjuJa edhe gjykata korrupsion kriminal. Duhet patjeter te vendoset denimi kapital.
PërgjigjuS'KA FAJ MOTRA,,,ATA QENER DUHEN VARUR NE MES TE POGRADECIT,,DHE TE LIHEN TE VARUR PER 1 JAVE,....TE ISHTE ENVERI GJALLE,,JA RREGULLONTE QEFIN KETYRE KRIMINDLEVE..COHU DHE NJE HERE ENVER ...
PërgjigjuNuk me besohet qe ndodhin keto ngjarje ne Pogradec. Mua me eshte krijuar bindja se aty jetojne njerezit me te paqte ne bote. Aq te qete dhe te komunikueshem kur perballesh me ta, sa kur mendon te besh nje pale pushime clodhese, Pogradeci te behet zgjedhja e pare.
Përgjigjuvrasje nga pa kujdesia ne fakt vrasesi duhet te kujdesej para se ta vriste
Cdo qytet ka llumin e vet