Në seancën e radhës, prokuroria ka kërkuar nga trupi gjykues masën e sigurisë ‘’Arrest me burg’’ për të pandehurin Cinari duke shtuar se të gjitha provat materiale tregojnë që Cinari ka marrë ryshfet nga qytetari për të mbyllur çështjen e tij.
Nga ana tjetër, Armand Zeka - avokat i të pandehurit, ka hedhur poshtë kërkesën e prokurorisë, duke e quajtur të paligjshëm masën e kërkuar pasi sipas tij, Cinari nuk ka marë asnjë ryshfet nga kallëzuesi.
Gjykata e Pogradecit, duke shqyrtuar provat, ka vendosur arrest shtëpie për nënkomisarin Agustin Cinari.
Ai u vu në pranga tre ditë më parë nga Shërbimi I Kontrollit të Brendshëm, pas denoncimit nga një qytetar që pohonte se Cinari i kishte marrë një shumë prej 50.000 lekësh për mbylljen e një çështjeje, në të cilën ishte akuzuar padrejtësisht. SHKB-ja, pas hetimit, e ka arrestuar nënkomisarin në një lokal në momentin ku ishte duke marrë lekët ndaj kallëzuesit.
Redaksia online
(ar.sh/shqiptarja.com)
![](https://www.shqiptarja.com/template/img/sh_logo1.png)