POP 5

Lajmet më të lexuara të 5 minutave të fundit

Ekonomi

Pogradec-Ohër, pas 100 vjetësh
me traget, linjë sezonale për verën

Ministri i Transportit dhe Infrastrukturës, Edmond Haxhinasto dhe homologu i tij maqedonas, Mile Janakievski, përuruan dje në Pogradec linjën liqenore për pasagjerë Pogradec – Ohër dhe anasjelltas. “Sot është një ditë historike; pas 100 vjetësh vendoset përsëri një linjë mes Pogradecit dhe Ohrit.
TIRANE- Ministri i Transportit dhe Infrastrukturës, Edmond Haxhinasto dhe homologu i tij maqedonas, Mile Janakievski, përuruan dje në Pogradec linjën liqenore për pasagjerë Pogradec – Ohër dhe anasjelltas. “Sot është një ditë historike; pas 100 vjetësh vendoset përsëri një linjë mes Pogradecit dhe Ohrit.

Besoj se është një moment që shënon hapjen e një faqeje të re, jo vetëm për bashkëpunimin midis Shqipërisë dhe Maqedonisë, që sigurisht është shumë i shkëlqyer dhe me potenciale të mëdha, por është gjithashtu edhe një ditë e re e bashkëpunimit në një fushë me interes të përbashkët midis dy vendeve, siç është ajo e turizmit”, tha Haxhinasto.

Kjo linjë është konceptuar si sezonale, por besohet se do të kthehet në permanente dhe do të shtohen dhe shumë operatorë të tjerë, shtoi ministri.
Sipas marrëveshjes dypalëshe, linja liqenore për pasagjerë Ohër – Pogradec dhe anasjelltas do të funksionojë nga 15 qershori deri në 15 shtator, çdo ditë. Lundrimi nga Pogradeci drejt Ohrit zgjat rreth 2 orë. 
Në këtë aktivitet, ishin të pranishëm edhe ministrja e Zhvillimit Urban dhe Turizmit, Eglantina Gjermeni; kryetari i Bashkisë së Pogradecit, Artan Shkëmbi dhe zyrtarë të tjerë.

Struga nuk është përfshirë në këtë linjë lundrimi, megjithëse paraprakisht ishte planifikuar linja Ohër-Strugë-Pogradec dhe anasjelltas. Shefi i Kapitanerisë në Ohër, Goran Ustijanoski, deklaroi se kjo linjë është gati për një fillim të funksionimit. “Pastaj pronarët e anijeve do të organizojnë udhëtime sipas orareve të caktuara, ku paraprakisht do të evidentohen udhëtarët, duke pasur parasysh edhe që ende nuk është vendosur pika e kalimit kufitar dhe shërbime të tjera, si ato doganore etj, që janë pjesë e pikave të kalimit kufitar ndërmjet dy vendeve”, theksoi ai.

Kjo linjë ujore synon zgjerimin e bashkëpunimit ndërkufitar ndërmjet Maqedonisë dhe Shqipërisë dhe në masë të madhe kontribuon në rritjen e ofertës turistike gjatë sezonit veror në të dy anët e brigjeve të Liqenit të Ohrit.


Shkrimi u botua në Shqiptarja.com (print) në 18 qershor 2014

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11