Pogradec- Një zjarr i fuqishëm ka rënë mbrëmjen e sotme (4 Janar) në një godinë dykatëshe në qytetin e Pogradecit, duke e shkrumbuar pothuajse plotësisht.
Ngjarja ndodhi rreth orës 21:25, në lagjen nr. 4, dhe dyshohet se aksidentalisht ka rënë vatra e zjarrit në banesën e shtetasit të moshuar A. B., 80 vjeç.
“Si pasojë e zjarrit, janë përfshirë dhe banesat ngjitur me banesën që ra fillimisht zjarri. Shërbimet Policisë dhe zjarrfikësit kanë ndërhyrë menjëherë për evakuimin e banorëve dhe për shuarjen e zjarrit”, njoftoi policia vendore.
Godina është një ndërtesë banimi, ku jetojnë aktualisht disa familje. Dy prej shtëpive janë djegur plotësisht ndërsa ndërhyrja e zjarrfikësve evitoi përhapjen tek banesa e tretë ngjitur me të parat.
Tre mjete zjarrfikëse dhe një përforcuese uji janë në vendngjarje.
Nga flakët ka vetëm dëme të konsideruueshme materiale, ndërsa banorët janë evakuuar të gjithë. Dy familje mbeten tashmë në qiell të hapur.
"Grupi hetimor nën drejtimin e Prokurorisë po punon për përcaktimin e saktë të shkakut të rënies së zjarrit", sqaron policia.
Në pamjet e videove të dërguara nga gazetari i Report TV, Armand Braho, shihen flakët e zjarrit që kanë përpirë ndërtesën e vjetër dykatëshe në të gjitha hyrjet e saj dhe ato ngjitur. Gjithashtu edhe punonjësit e zjarrfikëses që përpiqen të lokalizojnë vatrën dhe të mos lejojnë përhapjen e zjarrit më tej.
Në ndihmë ka shkuar edhe një makinë zjarrfikëse e Maliqit.
Një nga banorët e godinës afër vendngjarjes rrëfeu se kur mbërriti ndërtesa ishte në flakë dhe gjeti makinat e zjarrfikëseve.
"Po kthehesha nga një vaki kur pashë flakët nga sipër. Tre familje janë këtu (godina që digjej). Kjo banorja këtu ngjitur ka 2 fëmijë të vegjël, dy të tjerët janë Avniu me Fariun këtej, nuk pësuan gjë vetë, kishin dalë. Frika është se shkëndija janë, erë fryn. Janë me trarë, digjen kollaj. Unë jam te ndërtesa tjetër. Thashë mos kishte rënë zjarr në shtëpinë time. Pashë zjarrin dhe erdha shpejt. Atyre që ju ra zjarri janë të shqetësuar. Me dy fëmijë brenda, dy fëmijë të vegjël, burrin nuk e ka", shprehet banori.
Komente
Lajme të tjera
-
Festohet Dita e Ujit të Bekuar, ortodoksët në të gjithë vendin kryejnë ritin e hedhjes së kryqit në ujë! Në Gjirokastër 13- vjeçari i vetëm në garë
6 Janar, 08:33 -
Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari
5 Janar, 17:03 -
Aksident në Pogradec, mjeti del nga rruga! Dy shoferë të plagosur
5 Janar, 13:14 -
Zaloshnja: Juglindja është bërë alternativa joverore e Jugperëndimit, por…
5 Janar, 13:00
-
Pogradec/ Banesat u shkrumbuan nga flakët, 4 familje në qiell të hapur! Kryetari: Mbulojmë shpenzimet e qiranë! Gruaja që iu dogj shtëpia: Vet e di si shpëtova
5 Janar, 12:50
-
Korçë/ 1.5 metër borë në Mashkullorë, kalimi i mjeteve vetëm me zinxhirë! Mjetet borëpastruese në terren
5 Janar, 11:29
-
Gjirokastër/ Zjarri përfshin banesën në lagjen 'Palorto', shkak dyshohen skorjet e oxhakut të papastruar prej vitesh
4 Janar, 20:51 -
Aksident në aksin Pogradec-Qafë Thanë/ 3 makina përplasen me njëra-tjetrën
4 Janar, 11:42 -
Reshje të dendura bore në Theth, Tamarë dhe në 'Rrugën e Kombit'! Akset të hapura, nga tuneli në Morinë qarkullimi me goma dimërore (VIDEO)
4 Janar, 09:28 -
Aksidenti me dy të lënduar në Korçë, arrestohet autori
3 Janar, 12:42 -
Kapshticë/ Pas festave emigrantët largohen drejt Greqisë! Punohet me kapacitet maksimal
3 Janar, 12:38 -
Tragjike/ Kush është Zoi Ksila, vajza me shtetësi greke e origjine shqiptare që nderroi jetë në aksidentin fatal! Erdhi për pushime me të fejuarin
2 Janar, 15:06
