Poli Hoxha: Berisha ka dy rrugë ose përballjen me SPAK, ose azilin politik! Pengimi i drejtësisë, mund t'i sjellë akuzë të re

Shqiptarët nuk e mbështesin Sali Berishën në sulmet e tij ndaj drejtësisë. 74.5% e qytetarëve të anketuarve në sondazhin e Report Tv, mendojnë se Sali Berisha duhet të ishte paraqitur në SPAK për t’u përballur me drejtësinë për dosjen e ish kompleksit Partizani edhe pa një autorizim paraprak nga Kuvendi.

Për analistin Poli Hoxha, Sali Berisha tashmë ka dy rrugë, ose të kërkojë azil politik, duke qenë akuzon qeverinë, ose që të shkojë në SPAK. Sipas analistit, mundësia më e mirë është të shkojë në SPAK dhe në këtë mënyrë nëse procesi ndaj tij është antikushtetuese, ai ka mundësi të dalë më i fuqishëm.

‘Berisha ka zgjedhur një rrugë politike. Pengimi i drejtësisë mund të sjellë ndonjë akuzë të re. Berisha ka dy rrugë, ose atë të një azili politik, pasi kështu si po e shtron, le të të kërkoj azil ose të shkojë në SPAK. Nëse e kanë bërë procesin ndaj tij në mënyrë antikushtetuese aq më mirë për Berishën. Dil i pafajshëm se del 100 herë më i fuqishëm, s’ka rrugë tjetër. Shko siç shkojnë gjithë te tjerët.’- tha Hoxha.

LEXO EDHE:
Frontline/ Ironia e Spahiut: Nuk vihet në pushtet duke sulmuar Amerikën dhe Prokurorinë! Një protestë 2 orë pastaj 2 muaj plazh, muk e dobëson Edi Ramën

Në emisionin ‘Sot Live në Shqipëri’ me gazetarin Nertil Agalliu, Poli Hoxha tha se me këtë opozitë, mazhoranca aktuale fiton jo mandatin e katërt, por edhe 15 mandate. Sipas tij Berisha e ka aksionin politik vetëm për interesat e tij personale.

‘Fitojnë me shumicën e pakicës. Sa vjen dhe rritet marzhi i qytetarëve bojkotues që shkon gati 60 e ca %. PS fiton me rreth 40 e ca %. E ka sigurt fitoren me këtë lloj opozitë. PD-ja ka ngelur në vend! Nuk ka alternativë. Berisha flet për hallin e tij. Nuk mund të mundësh Edi Ramën me këtë lloj opozite. Jo 4 mandate, por 15 mandate mund të rrijë me këtë ‘stausquo’. Që kur u shpall non grata, nuk pamë asnjë riorganizim të PD-së. Asnjë hapje asnjë figurë të re, e përdori për qëllime të veta. Dështime në zgjedhjet e 14 majit. Humbi Kukësin, Rrogozhinën dhe të gjitha këto tregojnë se nuk ka pasur frymën për opozitë. Kjo ka qenë një lëvizje personale që në fillim për non gratën.’- tha Hoxha.

M.Q./Shqiptarja.com

TAG:
• poli hoxha
• sondazhet e report tv