POP 5

Lajmet më të lexuara të 5 minutave të fundit

Kronikë

Policët 100 euro/dita, më 2 qershor Italia merr në dorëzim kampin e Shëngjinit! Gjadri në pritje

Nga 2 qershori qendra pritëse e emigrantëve në Shëngjin do të merret në dorëzim nga 20 policë italianë që do nisin misionin 1 mujor në Shqipëri. Sipas autoriteteve italiane edhe punimet në qendrën e akomodimit në Gjadër janë drejt fundit.

Punimet në qendrën pritëse të emigrantëve në Shëngjin nga pala italiane kanë ecur me shpejtësi dhe kanë përfunduar, ndërsa në Gjadër janë drejt fundit dhe sipas zyrtarëve të vendit fqinjë, mund të mbyllen në fund të korrikut. Policia italiane thotë se në 2 qershor 20 efektivë nga departamentet e Napolit dhe Romës, mbërrijnë në Shqipëri për të mbikëqyrur dhe marrë në dorëzim godinën në portin e Shëngjinit e ku do qëndrojnë për një shërbim 30 ditor, duke organizuar punën me turne të pandërprera gjatë 24 orëve.

Sindikata e policisë italiane thotë se pagesa e efektivëve që do të qëndrojnë në Shëngjin, do jetë 100 euro në ditë, pagesë e përcaktuar në Itali për misionet ndërkombëtare. Shërbimet në terren do të koordinohen nga dy drejtues të policisë së shtetit italian, ndërsa misioni do ketë një drejtues të shtabit të policisë së Romës.

Ndërkohë qendra e akomodimit të emigrantëve nga vendet e treta në Gjadër do të menaxhohet nga një kontingjent i përbashkët prej 300 personash, ku 176 janë policë, ndërsa pjesa tjetër staf ndihmës. Sipas marrëveshjes për emigrantët mes Italisë dhe Shqipërisë, brenda strukturave të Shëngjinit dhe Gjaderit do të zbatohet legjislacioni italian pasi konsiderohen territor italian, ndërsa për çka ndodh jashtë këtij territori, siç mund të jenë arratisjet, krimet, përgjegjësinë e ka policia shqiptare.

Po kështu edhe hoteli i ndërtuar posaçërisht nga inxhinierët ushtarakë italianë, 30 minuta larg Shëngjinit, e ku do qëndrojnë përfaqësuesit e palës italiane do të ruhet nga forcat shqiptare të sigurisë.

“Gjithçka që lidhet me kapacitet operative, fuqinë dhe kushtëzimet juridike të lidhura me faza të ndryshme të shërbimit, do të përcaktohet në marrëveshjet dypalëshe që po perfeksionohen”, thuhet në njoftimin e sindikatës.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 31/05/2024 07:04

    200 euro dita. 100 gjysëm dite.

    Përgjigju
  • Iris: 31/05/2024 02:59

    2 qershor, festa e republikes italiane dhe marrja ne dorezim e kampit te Shengjinit,koincidence e cuditeshme dhe e dyshimte! Thank you very much Edvin Rama! T'a shperblefshim me koken tende sa me shpejt me vote!!

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56