Policia Kufitare ka arrestuar në flagrancë  një shtetas shqiptar pasi ka tentuar të dalë jashtë shtetit bashkë me djalin e tij në drejtim të Greqisë.

Ilir Avduramani, 46 vjeç, është banues në fshatin Mavrovë të Vlorës.  

Arrestimi i tij u bë i mundur në pikën kufitare të kalimit Qafë Bot të qytetit të Sarandës.

Avduramani ka tentuar të kalojë pikën kufitare në mënyrë të jashtëligjshme së bashku me të birin, rreth 3 vjeç, i cili nuk dispononte prokurë të posaçme nga bashkëshortja e tij.

Në këto kushte, Avduramani, ka tentuar të korruptoje punonjësin e policisë kufitare (kontrollonin e turnit) duke i ofruar atij 500 lekë, brenda dokumentacionit që kishte për të dalë jashtë shtetit.

Sipas policisë vepra penale është konsideruar si "Korrupsioni aktiv i personave që ushtrojnë funksione publike".

Redaksia Online
K.M/Shqiptarja.com