Policia e Korçës kap disa persona të shpallur në kërkim për vepra të ndryshme penale

Efektivët e policisë së Korçës kanë vënë në pranga disa persona, të cilët ishin shpallur në ërkim, pasi kanë kryer disa vepra të ndryshme penale.

Konkretisht, policia bën të ditur se në pranga kanë rënë:

Elvis  Shakja, 21 vjeç, pasi, Gjykata e Rrethit  Gjyqësor  Korçë, e ka dënuar me 40 ditë burg, për veprën penale “Vjedhja e energjisë elektrike ose impulsive telefonike”.
Gjergji  Fasho (Demçe), 39 vjeç, banues në Korçë, pasi Gjykata e Rrethit Gjyqësor Korçë, e ka dënuar me 3 muaj e 25 ditë burg, për veprën penale “Vjedhja”.

R.L, 17 vjeç, pasi nga verifikimet e kryera, rezulton se është autori i vjedhjes së “Kolegjit  Preka”  në Korçë, ku ka mundur të  marrë  disa  aksesorë kompjuteri (ngjarje e ndodhur më datë 03.01.2016).

Armand Capo, 29 vjeç, pasi  dje  në rrugën  nacionale  Korçë - Pogradec, në vendin e quajtur  “Kryqëzimi i fshatit Leshnicë”,  duke drejtuar  automjetin tip “Audi”, me targë AA 479 MG, ka  humbur  kontrollin dhe është përplasur me mjetin  tip “Mercedes-Benz”, me targë AA 023 EG, të drejtuar nga shtetasi  E.Z, 28 vjeç, banues në  Grabovicë.

Ku për pasojë, ka gjetur vdekjen  shtetasi M.D, 29 vjeç, banues në Potgorie – Korçë, pasagjer në mjetin me targa AA 023 EG, si edhe  janë dëmtuar shtetasit :
K.H, 15 vjeç, H.M, 60 vjeç, L.I, 16 vjeç, E.S, 42 vjeç, G.D, 56 vjeç, si edhe  dy drejtuesit Armand Capo, 29 vjeç dhe E.Z, 28 vjeç, të cilët  morën  ndihmë mjekësore,  në Spitalin e  Pogradecit  dhe ndodhen jashtë rrezikut për jetën.


Redaksia Online
(F.T/shqiptarja.com)