Federata Spanjolle e Futbollit (RFEF) shkarkoi të enjten dy drejtues, për të cilët tha se ishin të lidhur me një hetim korrupsioni prej shumë miliona eurosh, duke shtuar se rasti kishte shkaktuar "dëm shumë serioz" në imazhin e sportit në vend.
Pedro Gonzalez Segura, drejtor i shërbimeve ligjore dhe Jose Javier Jimenez, drejtor i burimeve njerëzore, janë shkarkuar nga postet e tyre, tha RFEF në një deklaratë.
“Federata Mbretërore e Futbollit Spanjoll ka hapur procedurat disiplinore dhe ka larguar nga detyrat dhe funksionet e tyre menaxherët në lidhje me çështjen ligjore që po shqyrtohet nga Gjykata”, shtoi RFEF në një deklaratë.
Federata gjithashtu ndërpreu një kontratë me këshilltarin e saj të jashtëm ligjor Tomas Gonzalez Cueto të GC Legal dhe ka anuluar kompetencat e tij për të përfaqësuar federatën në çështjet ligjore, së bashku me partnerin e tij Ramon Caravaca.
Të mërkurën policia kontrolloi selinë e federatës dhe një apartament që i përkiste ish-presidentit të saj Luis Rubiales, duke arrestuar shtatë persona si pjesë e një hetimi mbi korrupsionin e dyshuar që përfshin një marrëveshje për zhvendosjen e Superkupës së Spanjës në Arabinë Saudite.
Një gjykatë spanjolle ka hetuar që nga qershori 2022 nëse Rubiales ka kryer një krim të menaxhimit të pahijshëm kur RFEF ra dakord me firmën Kosmos të ish-lojtarit të Barcelonës Gerard Pique për të zhvendosur turneun, tha një burim gjyqësor të mërkurën.
Në një intervistë me 'El Espanol' të publikuar të enjten, Rubiales tha se do të bashkëpunonte me hetimin.
"Unë kurrë nuk kam bërë asgjë të keqe. Unë do të përgjigjem për çdo gjë", citohet të ketë thënë ai.
Ky është skandali i dytë në më pak se një vit që trondit organin më të lartë të futbollit të Spanjës, që vjen pasi Rubiales u detyrua të dorëhiqej nga detyra për një puthje të pakërkuar në buzë ndaj lojtares Jenni Hermoso pas finales së Kupës së Botës për femra.
Tanimë në Spanjë mediet janë të sigurta se ndaj Rubiales është lëshuar një urdhërarresti ndërkombëtar.
Lajme të tjera
-
Rafael Nadal tërhiqet zyrtarisht nga tenisi
20 Nëntor, 22:27 -
Në kërkim nga autoritet shqiptare, i riu vetëvritet në Spanjë! Mik i ngushtë i Cllevio Serbianos
20 Nëntor, 10:37 -
Pjesë e grupit që xhironte 10 mijë euro kokainë në ditë, 32-vjeçari shqiptar kapet në Spanjë dhe ekstradohet në Itali! E shpërndanin me makina luksoze të shpejta
18 Nëntor, 17:05 -
Të paktën dhjetë të vdekur pas zjarrit në një shtëpi të pleqve në Spanjë
15 Nëntor, 12:30 -
Spanjë/ Rikthehen përmbytjet, Malaga më e rrezikuara! Mbyllen shkollat dhe evakuohen banorët
13 Nëntor, 22:31 -
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
2024 pritet të jetë viti më i nxehtë në histori
10 Nëntor, 20:12 -
VIDEO/ Përplasje të dhunshme mes policisë dhe protestuesve në Valencia të Spanjës
10 Nëntor, 16:47 -
Ndihmonte kriminelët të shkarkonin drogën nga Ekuadori, arrestohet shefi i Krimit Ekonomik në Spanjë! I gjenden 20 mln euro cash, 8 prej tyre i fshehu në mur (VIDEO)
10 Nëntor, 15:52 -
'Ne të njollosur me baltë, ju me gjak', 130 mijë banorë të Valencias në Spanjë kërkojnë dorëheqjen e guvernatorit të rajonit
9 Nëntor, 20:32 -
Spanjë/ Moti i keq në Katalonjë, Girona qyteti i radhës që dëmtohet nga përmbytjet
9 Nëntor, 15:19
-
Porositi vrasjen e të ‘fortit’ të Vlorës për hakmarrje, ekstradohet nga Spanja Leonard Luzi! Si i shpëtoi atentatit Inez Hajrulla në 2023
9 Nëntor, 09:13
