Policia: Nesër në Pikat Kufitare me Greqinë do ketë vonesa me sistemin nga ora 09:00 deri në orën 18:00! S'ka pengesa për ata me leje qëndrimi

Policia: Nesër në Pikat Kufitare me Greqinë do ketë vonesa me sistemin nga ora 09:00 deri në orën 18:00! S'ka pengesa për ata me leje qëndrimi

Foto ilustruese

Policia ka bërë një njoftim të rëndësishëm për të gjithë shqiptarët të cilët kanë planifikuar të udhëtojnë drejt Greqisë apo ata që udhëtojnë drejt Shqipërisë ditën e nesërme.

Duke nisur nga ora 09:00 deri në orën 18:00 të ditës së mërkurë, në pikat e kalimit kufitar të palës greke, do të ketë vonesa dhe ndërprerje të herëpashershme të punës për shkak se po kryhen punime në sistemin e përpunimit të të dhënave dhe instalimin e sistemit të ri ‘SIS’.

Ndërkohë bëhet me dije se vetëm për shtetasit grekë dhe për shqiptarët që kanë leje qëndrimi në Greqi, nuk do të ketë pengesa për të kaluar.

“Njoftojmë qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të datës 07.03.2023, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës.

Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.

Për të mos krijuar radhë, pritje të gjata dhe konfuzion në pikat e kalimit kufitar, kërkojmë mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00 - 18:00, të datës 07.03.2023”-thuhet në njoftimin e bërë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Sot Kurban Bajrami, besimtarët falin namazin në bulevardin 'Dëshmorët e Kombit'

Sot Kurban Bajrami, besimtarët falin namazin në bulevardin 'Dëshmorët e Kombit'