TIRANE - Procesi i votimit gjatë ditës së sotme është mbyllur pa ngjarje kriminake në të gjithë territorin e vendit. Përmes një deklarate të sjellë nga Policia e Shtetit thuhet se gjatë gjithë këtij procesi Policia e Shtetit, me vendim të Komisioneve të Qendrave të Votimit, ka dhënë ndihmën për rivendosjen e rregullit në 5 raste, nga të cilat në 4 raste për shkak të fluksit të krijuar nga numri i lartë i votuesve, apo për largimin e personave nga ambientet jashtë KZAZ-së. votuar dhe nuk largohej nga qendra.

Gjithashtu Policia e Shtetit do të vijojë të ndjekë me profesionalizëm vijimin e detyrave në kuadër të procesit zgjedhor.
 
Deklarata e Plotë e Policisë së Shtetit:
Nga informacionet e grumbulluara nga Grupi i Koordinimit dhe Drejtimit të Shërbimeve të Policisë së Shtetit për menaxhimin e gjithë situatës, shërbimeve dhe informacionit në territorin e Republikës së Shqipërisë në kuadër të procesit zgjedhor për organet e qeverisjes vendore, Ju konfirmojmë se:
 
Policia e Shtetit gjatë gjithë ditës së sotme ka përmbushur me sukses detyrat që i ngarkon ligji në kuadër të procesit zgjedhor, duke menaxhuar me profesionalizëm të lartë të gjitha shërbimet policore dhe duke garantuar një ambient të sigurt dhe një proces të qetë zgjedhor.
 
Strukturat e policisë janë angazhuar maksimalisht si në drejtim të ruajtjes së objekteve dhe materialeve zgjedhore deri në çeljen e votimit, ashtu edhe në drejtim të garantimit të rendit dhe të qetësisë publike gjatë gjithë ditës së votimit.
 
Gjatë natës së mbrëmshme dhe ditës së sotme në territorin e vendit nuk janë evidentuar ngjarje kriminale në qendrat e votimit, apo objektet e tjera zgjedhore.
 
Procesi i votimit ka përfunduar në të gjithë territorin e vendit dhe situata vijon të paraqitet e qetë.
 
Gjatë gjithë këtij procesi Policia e Shtetit, me vendim të Komisioneve të Qendrave të Votimit, ka dhënë ndihmën për rivendosjen e rregullit në 5 raste, nga të cilat në 4 raste për shkak të fluksit të krijuar nga numri i lartë i votuesve, apo për largimin e personave nga ambientet jashtë KZAZ-së, si dhe në 1 rast për largimin e një personi, që nuk ka pasur dokument të rregullt për të votuar dhe nuk largohej nga qendra.
 
Gjatë këtij procesi nuk janë evidentuar probleme lidhur me qëndrimin e policisë.
 
Policia e Shtetit është duke ndjekur me profesionalizëm vijimin e detyrave në kuadër të procesit zgjedhor.
Të gjitha strukturat e policisë janë në gatishmëri të plotë dhe janë marrë të gjitha masat e nevojshme për shoqërimin e materialeve të votimit drejt Vendeve të numërimit të votave.
 
Po ashtu janë marrë në ruajtje të gjitha Vendet e Numërimit të votave dhe KZAZ-të. Shërbimet e policisë  do të garantojnë vijueshmërinë e normalitetit deri në përfundim të këtij procesi.
 
Policia e Shtetit u bën thirrje të gjithë mbështetësve të subjekteve politike, që të mos bëhen pengesë për vijim e rregullt të procesit zgjedhor.
 
Policia e Shtetit është e vendosur që të përmbushë me sukses të gjitha detyrimet që i ngarkon ligji për garantimin e mbarëvajtjes së këtij procesi deri në përfundimin e plotë të tij.
 
Ministri Tahiri falenderon policinë e shtetit për mbarëvajtjen e proçesit të votimit:
Ministri i Brendshëm, Saimir Tahiri ka falënderuar forcat e Policisë së Shtetit të garantuan mbarëvajtjen e procesit të votimit. “Faleminderit më shumë se 7.000 punonjësve të Policisë së Shtetit në çdo cep të Shqipërisë, që kontribuuan bashkë me qytetarët për të arritur standardet më të larta zgjedhore”, shkruan Tahiri në Facebook.

Ministri i Brendshëm ka nënvizuar se, “fituesi më i madh është qytetaria” dhe kjo falë “qytetarëve në çdo Bashki dhe falë vullnetit institucional për të garantuar zgjedhje të lira e të ndershme më shumë sesa rezultatin e garës”. “Kur fiton procesi, fitues nuk është vetëm fituesi, por fitojnë të gjithë. Ky është suksesi i vërtetë sot”, deklaron Tahiri.
 
Proçesi i votimit gjatë ditës së sotme është mbyllur pa ngjarje kriminake në të gjithë territorin e vendit. Përmes një deklarate të sjellë nga Policia e Shtetit thuhet se gjatë gjithë këtij procesi Policia e Shtetit, me vendim të Komisioneve të Qendrave të Votimit, ka dhënë ndihmën për rivendosjen e rregullit në 5 raste, nga të cilat në 4 raste për shkak të fluksit të krijuar nga numri i lartë i votuesve, apo për largimin e personave nga ambientet jashtë KZAZ-së. votuar dhe nuk largohej nga qendra.
Gjithashtu Policia e Shtetit do të vijojë të ndjekë me profesionalizëm vijimin e detyrave në kuadër të procesit zgjedhor.

Redaksia Online
(xh.k/shqiptarja.com)