POP 5

Lajmet më të lexuara të 5 minutave të fundit

Kronikë

Policia vendos mbi 25 mijë gjoba dhe apelon shoferët: Jepini përparësi këmbësorëve

Policia Rrugore ka bërë bilancin e javës për të gjithë vendin, ku informojnë se kanë vendosur 25,158 masa administrative për shkelje të rregullave të qarkullimit, përfshirë këtu përdorimin e celularit gjatë drejtimit të mjetit, mospërdorim të rripit të sigurimit, parakalime të gabuara, mosvendosje të kaskës mbrojtëse, manovra të rrezikshme në rrugë, drejtim të mjetit nën efektin e alkoolit, parkim i gabuar

Policia Rrugore ka bërë bilancin e javës për të gjithë vendin, ku informojnë se kanë vendosur 25,158 masa administrative për shkelje të rregullave të qarkullimit, përfshirë këtu përdorimin e celularit gjatë drejtimit të mjetit, mospërdorim të rripit të sigurimit, parakalime të gabuara, mosvendosje të kaskës mbrojtëse, manovra të rrezikshme në rrugë, drejtim të mjetit nën efektin e alkoolit, parkim i gabuar etj. Ndërkohë raportojnë se kanë arrestuar edhe 66 shoferë.

Njoftimi i plotë

Me qëllim parandalimin e aksidenteve rrugore në qendrat urbane dhe rurale, si dhe në akset rrugore nacionale, Policia Rrugore ka intensifikuar monitorimet.

Si rezultat i monitorimeve në të gjitha akset rrugore, 24/7, duke përdorur mjete inteligjente poliskanë, radarë automatikë, dronë të cilësisë së lartë dhe dragera, gjatë kësaj jave janë arrestuar 66 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.

Janë evidentuar nëpërmjet radarëve dhe poliskanëve 1800 drejtues automjetesh, të cilët qarkullonin me shpejtësi 40 deri në 120 km në orë mbi normën e lejuar. Drejtuesit e automjeteve janë ndëshkuar me dyfishin e masës administrative maksimale dhe zbritje deri në 8 pikë nga Leja e Drejtimit.

Gjithashtu, në të gjithë vendin janë vendosur 25,158 masa administrative për shpejtësi tej normave të lejuara, për përdorim të celularit gjatë drejtimit të mjetit, për mospërdorim të rripit të sigurimit, për parakalime të gabuara, për mosvendosje të kaskës mbrojtëse, për manovra të rrezikshme në rrugë, për drejtim të mjetit nën efektin e alkoolit, për parkim të gabuar, si dhe për shkelje të tjera të Kodit Rrugor.

Për javën në vijim, nisur nga shkeljet e shumta të konstatuara gjatë javës dhe më parë, Policia Rrugore ka hartuar një plan të detajuar masash me qëllim parandalimin e aksidenteve rrugore.

Policia Rrugore apelon për të gjithë drejtuesit e automjeteve dhe motomjeteve për zbatim me rigorozitet të rregullave të qarkullimit rrugor, që t’ju japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.

Drejtuesit e motomjeteve dhe përdoruesit e biçikletave dhe monopatinave të mos qarkullojnë gjatë natës pa pasur shenja dalluese fosforeshente, si dhe këmbësorët të tregojnë kujdes në ato vende ku mungojnë mbikalimet apo vijat e bardha, duke mos kaluar rrugën pa kontrolluar lëvizjen në të dyja kahet.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Elodie: 10/11/2024 14:06

    Policiaaaaa te kerkoje qe kombesoret te rrespektojn shoferet .vizat è bardha sjan per me bo passerella por me kalu rrugen shpejte mos krijojn trafik

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 nëntor Altin Dumani?

Ergys Mërtiri: Ç'na tregoi më 23 nëntor Altin Dumani?

24 Nëntor, 08:47 nga Ergys Mërtiri