Opinion

Politikanët ia hipin çarterit e ikin në Turqi, po ju o fukarenj çdo bëni, që iu shkoni në takime?

Covidi po përhapet si zjarri në kallamishte, çdo ditë po shtohen nga njëmijë e kusur të infektuar. Një pjesë e mirë lëvizin pa maska, në kafene e bare njerëzia kokë më kokë si bagëtia në mriz. Dhe, si të mos mjaftonte kjo moskokëçarje e injorancë masive, vjen darka e na fanepsen ekraneve politikanë që takojnë qytetarë, të gjithë pa maska e grushtbashkuar, d.m.th ngjitur njeri me tjetrin.

Foto nga Takimi i Grida Dumës në Rrogozhinë

Çapajev Gjokutaj
10 Shkurt 2021, 10:39 | Përditesimi: 10 Shkurt 2021, 10:42

Covidi po përhapet si zjarri në kallamishte, çdo ditë po shtohen nga njëmijë e kusur të infektuar.

Një pjesë e mirë lëvizin pa maska, në kafene e bare njerëzia kokë më kokë si bagëtia në mriz.

Dhe, si të mos mjaftonte kjo moskokëçarje e injorancë masive, vjen darka e na fanepsen ekraneve politikanë që takojnë qytetarë, të gjithë pa maska e grushtbashkuar, d.m.th ngjitur njeri me tjetrin.

LEXO EDHE:
Kinë/ Shqetësim për virusin e ri misterioz, spitalet mbushen plot

Ç’kuptim ka ta takosh tjetrin e të mos e ndjesh pranë, të komunikosh me të e gjysmën e fytyrës ta ketë të mbuluar me maskë?

Me të drejtë mediat thonë se kjo skotë politikanësh po jep shembull të keq se shkurajojnë masat anticovid dhe i dalin në krahë virusit për një grusht votash.

Mbase duhet shtuar edhe diçka tjetër. Vërtet në takime të tilla si politikanët edhe qytetarët janë njësoj të ekspozuar, por në rast infektimi pamja ndryshon kryekëput.

Politikani i hipën çarterit e shkon të kurohet në klinika të huaja, kurse qytetari dergjet ditë me radhë në pritje të tamponit dhe pastaj shkund xhepet e hyn në borxh, që të përballojë tregun e zi të sherbimeve mjeksore dhe të ilaçeve, që edhe kësaj pandemie, si në çdo emergjencë e luftë, u krijua tak fak.

Natyrisht për t’i ardhur në ndihmë fukarasë.

J.GJ./Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com