TIRANE- Në tre muajit e parë të viti INSTAT thotë se janë transportuar në det me anije 1.673 mijë tonë mallra, nga 1.619 mijë tonë që u transportuan vjet në të njëjtën periudhë.
Në Shqipëri operojnë katër porte detare të cilët shërbejnë për transport mallrash: Porti i Durrësit, Vlorës, Shëngjinit dhe porti i Limjonit (Sarandë). Porti i Durrësit është porti kryesor në vend prej të cilit janë transportuar 96,0 % e volumit të mallrave të transportuar me det, ose 1.606 mijë ton mallra.
Sasia më e madhe e mallrave të transportuara në det ishin metale bazë, makineri, pajisje, produkte të rafinuara të naftës, produkte minerale, qymyr, naftë bruto e gaz natyror.
Në tremujorin e parë 2024, volumi i mallrave të tregtuara me det (eksport dhe import) është 1.316,8 mijë ton. Krahasuar me të njëjtën periudhë të vitit 2023, ky tregues është rritur me 1,9 %.
Numri i anijeve të hyra dhe të dala nga portet në vend rezulton 304 anije, nga këto 178 anije janë të huaja dhe 126 anije vendase. Numri i anijeve të hyra dhe të dala në porte është rritur me 56,7 %, ku numri anijeve të huaja është rritur me 4,7 %, krahasuar me tremujorin e parë 2023. Numri i pasagjerëve që kanë udhëtuar nëpërmjet porteve detare në vend është 135.680 persona.
Statistikat e Transportit Detar, tremujori i parë 2024
Teksa popullsia e vendit është në rënie, Shqipëria po përballet gjithnjë e më shumë me shtim të numrit të mjeteve.
Sipas të dhënave të INSTAT, praktikisht 1 në 4 persona në vend ka një veturë, pasi deri në fund të muajit mars ishin të regjistruar 715.700 autovetura, kurse në total janë të regjistruara 887.321 mjete.
“Në tremujorin e parë 2024, numri gjithsej i mjeteve rrugore me status "aktiv" dhe “të çregjistruar përkohësisht” që qarkullojnë në territorin e Republikës së Shqipërisë deri në Mars 2024 rezulton 887.321 mjete. Në kategorinë e mjeteve rrugore sipas llojit, përqindjen më të madhe ndaj numrit gjithsej të mjeteve rrugore e zënë “Autoveturat” (80,7 %), "Automjetet për transport të përzier" (6,2 %) dhe “Motor” (5,6 %).
Gjatë tremujorit të parë 2024, janë regjistruar për herë të parë 21.265 mjete rrugore. Në kategorinë e mjeteve rrugore sipas llojit të regjistruar për herë të pare, përqindjen më të madhe ndaj numrit gjithsej të mjeteve rrugore e zënë “Autoveturat” (84,4 %) dhe “Motor” zënë (6,4 %)”, thuhet në raportin e INSTAT.
Shqipëria ka në shfrytëzim 253 km rrjet hekurudhor, por që pjesa më e madhe është në gjendje të amortizuar, kurse trenat të ngjajnë shekullorë. Në shfrytëzim janë linjat hekurudhore: Kufi - Gjorm 93 km, Durrës - Elbasan 76 km, Rrogozhinë – Fier 49 km dhe Fier – Vlorë 35 km.
Si pasojë e gjendjes së hekurudhave aktualisht, në tremujorin e parë të vitit, transporti i mallrave përmes hekurudhave është tkurrur me 15%, ndërsa numri i pasagjerëve është thuajse i pëgjysmuar.
“Volumi i mallrave të transportuara nëpërmjet rrugëve hekurudhore është 127 mijë ton, duke shënuar ulje me 15,0 %, në krahasim me tremujorin e parë 2023. Volumi i mallrave të transportuara me hekurudhë në mijë ton-km rezultoi 4.399 nga 5.165 mijë ton-km në të njëjtën periudhë të vitit të kaluar, duke u ulur me 14,8 %. Në tremujorin e parë 2024, volumi i mallrave të tregtuara me hekurudhë (eksport dhe import) është 595 tonë. Volumi i mallrave të eksportuara me hekurudhë zë 0,1 % ndaj volumit gjithsej të mallrave të eksportuara në vend”, thotë INSTAT.
Përmes hekurudhës në këtë tremujor është transportuar më shumë qymyr, naftë bruto, mbetje të ngurta, mbeturina apo metalet bazë. Në tremujorin e parë 2024, kanë përdorur transportin hekurudhor si mjet udhëtimi 873 pasagjerë, duke shënuar ulje me 47,4 %, krahasuar me të njëjtën periudhë të vitit të kaluar.
Në tre muajit e parë të këtij viti më pak mallra janë transportuar në rrugë ajrore. Sipas Raportit të INSTAT për Statistikat e Transportit Ajror, volumi i mallrave të tregtuara në rrugë ajrore u ul me 9.1% në tre muajit e parë të vitit në raport me vjet.
“Volumi i mallrave (duke përfshirë postën) të hyrë dhe të dalë nëpërmjet transportit ajror rezultoi 499,5 ton, nga të cilat 77,0 % janë mallra të hyrë dhe 23,0 % janë mallra të dalë. Krahasuar me tremujorin e parë 2023, volumi i mallrave paraqitet me rritje 11,1 %. Në transportin ajror, mallrat e transportuara me postë zënë 11,4 % të volumit gjithsej të mallrave të transportuar me ajër.
Krahasuar me tremujorin e parë 2023, volumi i mallrave të transportuara me postë paraqitet me ulje 19,9 %. Volumi i mallrave të tregtuara (eksport dhe import) me ajër në tremujorin e pare 2024 është 386 ton.
Krahasuar me të njëjtën periudhë të vitit 2023, ky tregues është ulur me 9,1 %”, thuhet në raport.
Ndërsa nga ana tjetër raportohet për shifra rekord të numrit të pasagjerëve. Nga janari në mars kanë udhëtuar me linja ajrore 1.909.757 nga 1.166.000 pasagjerë që kanë udhëtuar në të njëjtën periudhë të vitit të kaluar, duke u rritur me 63,8 %.
Në transportin ajror operojnë 19 shoqëri ajrore, nga këto 17 janë shoqëri të huaja dhe 2 janë shoqëri shqiptare. Gjatë tremujorit të parë 2024, në hapësirën ajrore shqiptare kanë fluturuar 55.067 avionë, nga të cilët 75,8 % të tyre e zë numri i mbikalimeve.
Lajme të tjera
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Marina e Durrësit dhe zhvendosja e portit aktual në Porto Romani, PD kërkon komision hetimor! E firmosin 39 deputetë (EMRAT)
17 Dhjetor, 14:45 -
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
S’ka më banesa individuale, por rezidenca shumëkatëshe! Mbi 2 mln metër katrorë ndërtime të reja me vlerë 806 mln €, u miratuan në 9 muaj nga bashkitë
29 Nëntor, 08:07
-
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52
