Tirane- Të gjithë qytetarët, pronat e të cilëve do të preken nga ndërtimi i portit të ri tregtar në Porto Romano do të shpronësohen me para në dorë ose me një pronë shtetërore. Mënyra e kompensimit është sqaruar nga Agjencia Shtetërore e Shpronësimeve, përmes një njoftimi të publikuar në fletoren zyrtare.
“Me anë të këtij publikimi kërkojmë të vëmë në dijeni personat të cilët preken nga ky shpronësim, për interes publik, për pasuritë e paluajtshme, pronë private, të cilat do të shpronësohen me një pasuri tjetër të paluajtshme, në pronësi të shtetit, se shpërblimi në natyrë kryhet: - nëpërmjet shkëmbimit të pasurisë, pronë private, që shpronësohet me një pasuri tjetër të paluajtshme, në pronësi të shtetit me të njëjtën vlerë me pasurinë që shpronësohet; si dhe - nëpërmjet kombinimit të formës së shpërblimit në vlerë financiare me shkëmbimin në natyrë të pasurisë, pronë private, që shpronësohet me një pasuri të paluajtshme në pronësi të shtetit”, thuhet në njoftim.
Po ashtu agjencia sqaron se shkëmbimi tokë private-shtetërore do të bëhet vetëm në rastet kur ka dakordësi unanime, dhe nëse nuk arrihet një marrëveshje mes palëve do të bëhet kompesimi për pasurinë në vlerë financiare.
“Në zbatim të pikës 4, të nenit 2, të VKM-së nr. 797, datë 28.12.2023, “Për përcaktimin e rasteve dhe të rregullave për shpërblimin në natyrë të shpronësimeve për interes publik”, në çdo rast, shpërblimi në natyrë realizohet vetëm pasi të merret pëlqimi i subjektit që shpronësohet, pëlqimi duhet të jetë unanim nga të gjithë bashkëpronarët të cilët duhet të dakordësojnë midis tyre për shpërblimin në natyrë. Në rast se ky kusht nuk plotësohet, mungesa e dakordësisë për dhënien e pëlqimit për trajtimin me shpërblim në natyrë nga ana e subjektit që do të shpronësohet nuk e pengon vijimin e procedurës së shpronësimit, pasi kompensimi i pronarit të pasurisë së paluajtshme, pronë private, në këtë rast do të bëhet me vlerë financiare”, vijon më tej njoftimi.
Nga ndërtimi i portit pritet të preken 309 prona me sipërfaqe 1.5 milionë metër katror. Agjencia Shtetërore e Shpronësimeve më herët ka sqaruar se vlera e shpronësimeve përllogaritet në mbi 821 milionë lekë.
Tenderi për ndërtimin e portit të ri tregtar në Porto Romano është hapur pak ditë më parë dhe ky investim do ti kushtojë buxheti të shtetit të shtetit gjithsej 470 mln euro. Gara për ndërtimin e tij mbyllet më 16 shtator, ndërkohë do të trefishohen kapacitetet e tij. Sipas detajeve të tenderit në portin e ri do të përpunohen 2 milionë kontejnerë në vit, si dhe do të priten rreth 1 milionë pasagjerë.
Porti i ri do të përfundojë në vitin 2028, pasi në dokumentet e tenderit thuhet se afati për ndërtimin e tij pas nënshkrimit të kontratës do të jetë 40 muaj. Porti tregtar po zhvendoset nga Durrësi në Porto Romano, pasi porti ekzistues i mallrave do të kthehet në një marinë turistike.
Komente
Lajme të tjera
-
Turistët rrisin konsumin e karburantit, në 7 muaj ‘thyhet’ importi i 2023-shit! Pritshmëritë? 700 mijë tonë deri në fundvit
15 Gusht, 13:58
-
Fatos Çoçoli: Si Porto Romano do na japë 660 milionë euro në vit
1 Gusht, 09:13
-
Hapet gara për ndërtimin e portit të ri në Porto Romano, fondi limit 392 mln euro, 15 kompani shprehin interes! Rama: Impakt në ekonomi, edhe bazë ushtarake të NATO
30 Korrik, 10:23 -
Porti i ri në Porto Romano, Rama autorizon Autoritetin Portual të nisë negociatat për marrëveshje konsulence me Royal Haskoning DHV
26 Qershor, 23:13 -
Durrës, u mbyt në det teksa peshkonte para 2 muajsh, gjendet në brigjet e Kroacisë trupi i Aurel Ndonit
20 Prill, 15:22 -
VIDEO/ Avancojnë punimet në kantierin Porto Romano-Durrës! Rama: Me dalje në Shkozet do të shmanget trafiku brenda qytetit bregdetar
14 Prill, 11:12 -
Durrës/ Ra në det teksa peshkonte, Familja paguan polumbarë për të gjetur trupin e 40 vjeçarit të zhdukur
27 Mars, 10:02
-
Fatos Çoçoli: Çdo lek për Porto Romanon trefishon veten!
22 Mars, 09:25
-
Kuvend/ Debate për Portin e Durrësit! Opozita: Thatë ‘zero lekë’ nga buxheti’, aferë korruptive! Qeveria: Investim strategjik
21 Mars, 16:52 -
NATO: Konflikti në Ukrainë kërkon prodhim me ritëm të lartë të armëve! Po vlerësojmë bazën e Porto Romanos
11 Mars, 12:22 -
Qeveria jep 385 mln euro për ndërtimin e Porto Romanos: Financimi domosdoshmëri, përshpejtohen procedurat
23 Shkurt, 14:49
-
Merret vendimi/ Porti i ri tregtar i ‘Porto Romanos’ me kosto 422 mln euro do ndërtohet me fonde të buxhetit të shtetit
21 Shkurt, 15:04
⚓KËSHILLA FALAS NGA DETARI! Me këtë draft/thellësi 13 m, është humbje burimesh. Thellësia duhet të jetë minimalisht 16 m në kanal dhe 14 m përgjatë kalatave! Përndryshe harroni vëllimet dhe portat e thata!
Përgjigju