Komisioni parlamentar i Integrimit zhvilloi të mërkurën një seancë dëgjimore me ministren Gjosha lidhur me buxhetin e vitit 2016 për Ministrinë e Integrimit. 440 milionë lekë është shifra që qeveria i ka akorduar këtij institucioni për vitin në vazhdim, fonde që do të përdoren në përgatitjen e negociatave për anëtarësim dhe menaxhimin e asistencës së BE-së.
Në përgatitjen e negociatave të anëtarësimit, tha Gjosha, do të vijë në ndihmë një projekt i posaçëm asistence nga BE, "Përgatitje për Integrimin Evropian", qe do të fillojë të zbatohet gjatë vitit të ardhshem dhe do të fokusohet në përgatitjen e Ministrisë së Integrimit dhe institucioneve të tjera qendrore në procesin e negociatave. Për këtë projekt, në buxhet është përfshirë një financim i huaj në vlerën e 15 milionë lekëve.
Ashtu sikurse për procesin e negociatave, edhe menaxhimi i asistencës IPA do të mbështetet gjerësisht nga Bashkimi Evropian. Për këtë qëllim, në projektbuxhetin 2016 të Ministrisë së Integrimit është përfshirë një financim i huaj në vlerën 21.62 milionë lekë
![](https://www.shqiptarja.com/template/img/sh_logo1.png)