“Kërkoj të mos e vazhdoni këtë procedurë. Jemi në seancë vetëm për shqyrtimin e anëtarëve të KQZ. Nëpunësi civil kërkon 3/5 nuk mund të jetë pronë e PD. Do shqyrtojmë ligjet me 3/5 pasi të zhbllokohet këshilli i Qarkut Fier ”-citohet të ketë thënë deputeti socialist Fatmir Xhafaj, nënkryetar i këtij komisioni, brenda në mbledhje. Ndërkohë që nga ana e tij Rusmali është shprehur “ne na urdhërojnë të zbatojmë rendin e ditës.Kush ju urdhëron që bllokoni dhe kërcënoni”.
Pas largimit nga salla deputetët socialistë u shprehën se janë gati të rikthehen në seancë në momentin e diskutimit të procedurave për kryetarin e KQZ.
OPOZITA KUSHTEZON DISKUTIMIN E PR/LIGJIT ME 3 KUSHTET E SAJ
Në mbledhjen e 26 shtatorit opozita u largua nga komisioni duke kushtëzuar miratimin e këtij pr/ligji me plotësimin e e tre kushteve që kanë të bëjnë me zbatimin e vendimeve të gjykatave për këshillin e qarkut Fier, reformën parlamentare dhe zhbllokimin e financave të komunave e bashkive të majta.
Mos plotësimi i këtyre kushteve u bllokua dhe votimi në parlament i pr/ligjit për Gjykatën e Lartë seancën e kaluar.
”Janë 13 vendime nga Gjykata e Parë deri te e Lartë që vazhdojnë të mos zbatohen nga mazhoranca”- deklaroi deputeti socialist Pandeli Majko në mbledhjen e kaluar. Në mbështetje të tij ka qenë dhe deputeti tjetër socialist Bashkim Fino i cili kërkoi zbatimin e vendimeve të gjykatave për Këshillin e Qarkut të Fierit.
(Foto: Fatmir Xhafaj duke u larguar nga komisioni, dhe karriget bosh pasi deputetët PS u larguan)
(sg/shqiptarja.com)
![](https://www.shqiptarja.com/template/img/sh_logo1.png)