Farmacistët, mjekët dhe stomatologët, të cilët nuk i nënshtrohen procesit të kualifikimit të vazhdueshëm, do të pezullohen.
Ndërkohë, e vetmja mënyrë për të rifituar të drejtën e ushtrimit të profesionit do të jetë provimi i ricertifikimit. Këto janë dy ndryshimet që parashikohen ne pr/ligjin "Për kujdesin Shëndetësor në Republikën e Shqipërisë".
Këto ndryshime ishin parashikuar edhe në një udhëzim të Ministrisë së Shëndetësisë, të publikuar në muajin korrik të 2014. Nderkohe, në relacionin e projektligjit thuhet se ndryshimet që parashikohen do të mund të shtrijnë efektin e tyre që në ciklin e parë, që u mbyll në dhjetor të 2014-ës. /atsh/