POP 5

Lajmet më të lexuara të 5 minutave të fundit

Bota

Praga 'luftë' me turistët pijanecë: Urdhëron të kufizohet frekuentimi i klubeve gjatë natës

Bashkia e Pragës në Çeki, u ka shpallur luftë turistëve pijanecë. Një vendim i fundit, kufizon lëvizjet e turistëve që dehen duke frekuentuar disa pube gjatë natës. Zyrtarët lokalë thonë se kanë strategji që të tërheqin më shumë turistë elitarë dhe më të pasur.

Turizmi masiv ka detyruar Bashkinë e Pragës të marrë një vendim frenues për vizitorët problematik. Së fundmi bashkia dhe këshilli lokal i Pragës vendosën të ndalojë turet nëpër klube dhe pube, një ritual i turistëve të cilët konsumojnë alkool nga njëri klub nate në tjetrin.

Kjo traditë, është kthyer në shqetësuese për banorët sidomos ata pranë qendrave më të vizituara turistike. Lëvizjet nga një bar në tjetrin janë një aktivitet mjaft i zakonshëm nga turistët e shumtë që mbërrijnë në Pragë të cilët tërhiqen nga fama e jetës së natës së qytetit, por me kalimin e kohës kanë ngjallur shumë ankesa tek banorët.

Kufizimi do të jetë për fashën orare 22:00 deri në orën 6 të mëngjesit, kohë në të cilat baret do të jenë ende të aksesueshme lirisht. Në vendimin e autoriteteve shpjegohet se "konsumimi i paarsyeshëm i alkoolit dhe sjellja zhurmuese e lidhur me këto shëtitje nëpër lokale mund të ketë një ndikim negativ "në perceptimin që turistët, investitorët e mundshëm dhe vetë qytetarët kanë për komunitetin. Nënkryetari i bashkisë Jiří Pospíšil tha gjithashtu se qyteti shpreson të tërheqë turistë "më të kulturuar dhe të pasur", jo ata që vijnë për një kohë të shkurtër vetëm për t'u dehur.

Përveç historisë shekullore të qytetit shumë turistë në Pragë tërhiqen edhe nga çmimi i ulët i birrës i cili në shumë vende kushton aq sa uji ndoshta edhe më pak, dhe në përgjithësi nga reputacioni i qytetit si një vend i mirë për të festuar.

Agjencitë që organizojnë turet në pijetore në Pragë kanë kritikuar urdhërin e ri pasi thonë se nuk janë konsultuar dhe se janë turistët e çorganizuar ata që krijojnë më shumë zhurmë dhe bezdi. Praga ka 1.3 milion banorë dhe është vizituar vitin e kaluar nga 7.3 milion turistë, një rritje me 25 përqind krahasuar me një vit më parë.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56