Prania e grupit Wanger në veri të Kosovës, Vuçiç hedh poshtë deklaratat e Kurtit: Gënjeshtër dashakeqe, është kundër rregullores tonë

Presidenti i Serbisë, Aleksandër Vuçiç ka hedhur poshtë pretendimet e kryeministrit të Kosovës, Albin Kurti i cili ditë më parë tha se anëtarë të grupit rus ‘Wanger’ ndodheshin në veri të Kosovës në kohën kur u vendosën barrikadat.

Vuçiç tha se fakti që Serbia nuk ka vendosur sanksione ndaj Rusisë, nuk duhej të thoshte se duhet të akuzohen për diçka të tillë. Ai e konsideroi deklaratën e Kurtit një gënjeshtër dashakeqe sepse sipas tij një gjë e tillë është kundër rregulloreve të Serbisë.

“Është gënjeshtër dashakeqe se pjesëtarët e grupit Wagner ishin në barrikadat në Kosovë. Po ashtu, nuk është e drejtë të ftojmë serbët në luftë në Ukrainë, nuk është e drejtë që ne të vuajmë sepse kemi pranuar çdo person nga Federata Ruse dhe sepse rusishtja është gjuha amtare këtu dhe sepse ne nuk kemi vendosur sanksione. Nëse e bënim këtë, do të ishte kundër rregulloreve tona”, tha ai.

LEXO EDHE:
Këshilli i BE-së merr vendimin, u heq vizat serbëve të Kosovës që kanë pasaporta të Serbisë

Kryeministri i Kosovës, Albin Kurti tha për gazetën holandeze se barrikadat në veri ishin të nxitura nga Serbia dhe se gjatë vendosjes së tyre, grupi famëkeq i merenarëve rusë ‘Wanger’ ka qenë në komunat me shumicë serbe dhe shtoi se për këtë kishte edhe prova me foto që tashmë i janë dërguar prokurorisë për t’i hetuar.

B.V/Shqiptarja.com

TAG:
• aleksander vucic
• Albin Kurti
• kosove
• serbi