Pr.buxheti 2024 merr dritën jeshile nga Kuvendi, për herë të parë në një dekadë kalon pa diskutime! Rikthehet në komisione për shqyrtim nen për nen

Për herë të parë gjatë kësaj dekade, projektbuxheti dhe paketa fiskale nuk u prezantuan në një seancë plenare në Kuvend, por u miratuan pa asnjë diskutim, për shkak të kaosit të shkaktuar nga opozita.

Projektbuxheti i vitit 2024 është 7 miliardë euro ndërsa të ardhurat planifikohen në 6.5 miliardë euro, dhe deficiti 600 milionë euro. Ndërsa paketa fiskale prek 4 ligje atë të taksave kombëtare, të akcizës, TVSH-së dhe procedurat tatimore.

Vitin e ardhshëm pritet të investohen në projekte publike rreth 1.2 miliardë euro, ku përfshihen edhe 70 milionë euro që do të përdoren për procesin e rindërtimit, ndërsa sektorët prioritar janë arsimi, shëndetësia, mbrojtja sociale, bujqësia, energjia si dhe infrastruktura.

LEXO EDHE:
Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet

Për pensionistët në vitin 2024, është parashikuar indeksimi i pensionit në muajin tetor si dhe bonusi i fundvitit, me vlerë totale 77 milionë euro.

Projektbuxheti i vitit 2024, konsiderohet i reformës së pagave, pasi do të shpenzohen 110 milionë euro, me qëllim që paga mesatare në sektorin publik të arrijë në 900 euro. Sa i takon borxhit publik për vitin e ardhshëm do të jetë në vlerën  e 14. 3 miliardë euro, kurse pagesat e kontratave koncesionare kapin shifrën e 140 milionë euro.

Projektbuxheti e paketa fiskale, do të shqyrtohen nen për nen në komisione brenda kësaj jave, për tu miratuar përfundimisht në muajin dhjetor nga Kuvendi.

Ndërsa projektligjet që janë pjesë e paketës fiskale parashikojnë:

·   Projektligji për Tatimin mbi Vlerën e Shtuar parashikon përjashtimin nga tatimi mbi vlerën e shtuar për importimin e mëshqerrave mbarsë dhe insekteve me qëllim eliminimin e përdorimit të  hormoneve dhe praktikave të zakonshme, si dhe përdorimin e metodave inovative në bujqësi për kontrollin biologjik të insekteve të dëmshme. Propozimi për të hequr TVSH-në në import për gjedhë, dhen, dhi, derra dhe njëthundrakë është bërë nga deputeti i PS-së Erion Braçe. Ky ndryshim i propozuar sipas qeverisë, synon nxitjen e importit të mëshqerrave mbarsë që do të lindin në vend me qëllim rritjen e numrit të krerëve në vendin tonë.

·   Projektligji për akcizat, parashikon që të kufizojë rritjen e akcizës me normën e inflacionit, rregull i vendosur në vitin 2021. Sipas relacionit të projektligjit, akciza për karburantin, për pijet alkoolike, për kafen apo për produktet energjetike nuk do të rritet bazuar në normën e inflacionit por vetëm 1.5%. Kurse për produktet dhe nënproduktet e duhanit, akciza do të vazhdojë rritjen e parashikuar.

·   Projektligji për taksat kombëtare parashikon rritjen e taksës së karbonit. Kështu sipas rekomandimeve të Bashkimit Evropian dhe OKB-së taksa e karbonit nga 3 lekë/ kg që paguhet nga industria e rëndë, si ajo e hekurit, çimentos dhe prodhimit të ferro-kromit, duke filluar nga 2024 dhe deri në 2030-ën, taksa do t’i përafrohet nivelit të 15.3 lekë/kg.

  -Projektligji për procedurat tatimore me synim ashpërsimin e gjobave për bizneset që nuk plotësojnë në kohë detyrimet për të paguar këstet e tatim fitimit korporativ dhe tatimit mbi të ardhurat personale. Po ashtu janë vendosur një sërë rregullash për shkëmbimin e informacionit me autoritetet tatimore homologe, në mënyrë që të sigurohet informacion periodik nga kompanitë mëmë të grupeve ndërkombëtare që kanë degë apo filiale që operojnë në Shqipëri.

TAG:
• buxheti 2024
• Rithemelimi kaos ne kuvend

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq