POP 5

Lajmet më të lexuara të 5 minutave të fundit

Politikë

Precedenti i 2011/ KQZ-ja s'ka shumicë absolute, këshilltarët bashkiakë i certifikon Kolegji Zgjedhor

Kur pritet certifikimi i rezultatit të zgjedhjeve të 30 qershorit, KQZ-ja ndodhet në një ngërç vendimmarrje, pasi sipas Kodit Zgjedhor, miratimi i këshillave bashkiakë kërkon 5 vota, që aktualisht nuk mund të arrihet në KQZ, pasi Klement Zguri është kundër.

Dhe pse 9 ditë nga përfundimi i zgjedhjeve KQZ ka certifikuar vetëm 7 bashki dhe këshilla bashkiakë në rang vendi, por duke parë kodin zgjedhor certifikimi i këshillave bashkiakë është i pavlefshëm. Sipas nenit 166 pika 3 e kodit zgjedhor mandatet e këshillave vendor ndahen nga KQZ në bazë të sistemit proporcional sipas të njëjtave procedura të parashikuar në nenet 162 dhe 163 të këtij kodi.

Duke iu referuar më pas nenit 24 të vendimmarrjes në KQZ, konsiderohen të miratuara, kur votojnë “pro” jo më pak se 5 anëtarëve të KQZ-së, vendimet lidhur me shpërndarjen e mandateve për çdo zonë zgjedhore, sipas neneve 162,163 dhe 166, pika 3 të këtij kodi. Në mungesë të shumicës absolute prej 5 votave, pasi kryetari i KQZ-së Klement Zguri ka votuar në cdo rast kundër, pasi nuk e njeh procesin dhe respekton dekretin e Presidentit. Kjo do të jetë Kolegji Zgjedhor që do të certifikojë rezultatin e zgjedhjeve për këshilltarët bashkikë si në rastin e vitit 2011 në bashkinë e Tiranës.

Por në lidhje me vonesat e nxjerrjes së rezultateve puna e KQZ-së varet nga nxjerrja përfundimtare e tabelave përmbledhëse nga KZAZ-të. Duke iu referuar nenit 123, KQZ verifikon dhe nxjerr rezultatet në bazë të rezultateve të nxjerra nga çdo KZAZ e zonës zgjedhore përkatëse. KQZ plotëson tabelën përmbledhëse të rezultatit të zonës zgjedhore dhe e miraton atë me vendim jo më vonë se 48 orë nga mbërritja e të gjitha tabelave të zonës zgjedhore.

Përpara plotësimit të tabelës përmbledhëse KQZ kontrollon nëse tabelat e rezultateve të  ZAZ-ve përfshijnë të gjitha tabelat e qendrave të votimit të asaj zone. Kur KQZ konstaton se tabela e rezultateve të një ZAZ-je nuk përfshin tabelat e të gjitha qendrave të votimit të asaj ZAZ-je, kutitë e të cilës janë pranuar të rregullta, urdhërohet KZAZ-në që të plotësojë menjëherë tabelën dhe ta ridërgojë  në KQZ brenda 24 orëve

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19