Prej më shumë se një jave terminali i autobusëve të linjave interurbane në Bulqizë është nën pushtetin e ujit. Si pasojë e reshjeve të dendura të shiut niveli i ujit ka arritur në 50 cm.

Sot bashkia Bulqizë me një mjet eskavator po punon për hapjen e kanaleve kulluese të qytetit të cilët prej vitesh nuk janë pastruar.

Kalimi në rrugë nga automjetet mbetet i vështirë ndërsa qytetarët shmangin kalimin në këtë zonë për shkak të pranisë së ujit.

Shqetësuese situata mbetet edhe për bizneset që operojnë në këtë zonë ku e kanë thuajse të pamundur të ushtrojnë aktivitetin e tyre tregtar.


Lajmi kryesor:

Moti i keq/ Situata drejt normalizimit, ulet niveli i lumenjve, reshje bore nga veriu në jug! Masive shkëmbore bllokojnë aksin Qukës-Qafë Plloçë